Limpiyo na ang pangan ni Mike Rama?

By: Lloyd Suarez August 28,2016 - 11:13 PM

Wa nako matingala sa atong mga politiko nga namalhin ngadto sa administration party sa kang Presidente Duterte.

Ang unang rason, mao man gyud ang personal interest ug political survival. Ikaduha na na’ng rason nga aron kahatagan og mga proyekto ang mga lugar nga ilang gi-serbisyohan.

Sa panultihon pa sa mga tang-an sa pulitika nga “kung asa ang tam-is, atakihon ug hugupan gyud na sa mga som”.

Sa kaso sa Team Rama, mahimo gyu’ng kataw-anan ang Partido Demokratiko Pilipino-Lakas ng Bayan (PDP-Laban) kung tugtan nga motapon si kanhi Cebu City Mayor Michael Rama kinsa unang gihinganlan sa Presidente nga “drug protector”.

Salikwaot sab kaayong paminawon si Cebu City Councilor Jun Alcover kung mobalhin kay mahug siya’ng way baruganan kinsa vocal kaayo’ng misupak sa Duterte presidency tungod sa isyu sa mga summary execution batok sa mga badlungon sa katilingban.

Pero sigurado ko nga kining pagbalhin sa taga Team Rama ug sa ubang partido ngadto sa ruling party tipik ug kabahin sa ilang personal and political strategy sa umaabot na Barangay ug mid-term national and local elections.

Kining pagtapon sa mayoriya sa Team Rama nga may pagtugot sa ilang amahan sa partido nga si kanhi mayor Mike ug giuyonan ni presidente Duterte, nagpasabot ba kini nga konbinsido na ang presidente nga dili drug protector ang kanhi mayor?

Kung agarbiyado niini si incumbent Mayor Tomas Osmeña ug iyang i-insister nga si Rama drug protector, wa siya’y plano nga mangunay pagpresentar sa publiko sa drug matrix sa kalambigitan ni Rama kung magmakuli na ang presidente tungod sa political alliance?

* * *

Saludo ko kang PO1 Gilbert Cabajar sa Regional Public Safety Battalion (RPSB-7) kay bisag off-duty miresponde sa tulis sa dalan Colon niadtong Miyerkules sa gabii.

Napusilan patay ang tulisan nga si Ryan Flores dihang naaktuhan ni PO1 Cabajar nga nakiglayog sa bag ni Jordan Dico branch manager sa Happy Mart.

Alang nako, di lang medalya. Angayang hatagan og on the spot promotion nga three ranks higher si PO1 Cabajar kay magsilbe kini nga kapanaminan sa ubang mga pulis nga magtinarong gyud ug dedicated sa ilang panerbisyo pakigbatok sa mga kriminal.

Di sama ni-anang uban nga maoy mo-protector sa mga tulisan ug drug pusher.

* * *

Dili ingon ani ka sayon nga makalingkawas sa mata sa publiko si Senadora Leila De Lima sa iyang simpleng pagpanghimakak nga gihinganlan siya ni presidente Duterte nga “drug protector” ug nakabenipisyo sa kuwarta sa mga drug lord sa New Billibid Prison (NBP) human gipawas ang drug matrix.

Dili ko intresado sa giingong sex video ni De Lima kay kung tinuud man, pagkabidli kaha unya personal ra kaayo. Hehehe.

Kinahanglang ma-imbistigahan sa senado si De Lima aron maklaro kining tanan.

Unsa ka tinuud nga si Ronnie Palisoc Dayan, kinsa giingong kanhi sweet lover ni De Lima, maoy tigdawatan sa monthly payola gikan sa mga convicted drug lord ug gihatagan sa senadora si Dayan og house and lot, Montero nga sakyanan, Kia Sedan, ug daku’ng kuwarta?

Kung tinuud man ang drug matrix batok kang De Lima may rason siya nga nagsaba-saba batok sa pamunuan ni Duterte nga seryoso kaayong nakig-gubat batok sa illegal nga drugas.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

TAGS: BO-PK, BOPK, Cebu City, Cebu City Mayor, De Lima, drug protector, Duterte, illegal drug trade, illegal drugs, Leila De Lima, Michael Rama, Mike Rama, Osmeña, President Duterte, President Rodrigo Duterte, Rama, Rodrigo Duterte, Team Rama, Tomas Osmeña, Tommy Osmeña

We use cookies to ensure you get the best experience on our website. By continuing, you are agreeing to our use of cookies. To find out more, please click this link.