Digong, Donald pop dances

By: Gerard Pareja December 04,2016 - 07:56 PM

Diha niadtoy usa ka movie poster nga kon wa ko masayop, usa kadto ka sequel sa Resident Evil series, diin ang slogan nagkanayon- “think global, kill local.”

Misulod pagbalik sa akong bagulbagol kining maong slogan dihang nabasahan ko ang pakighinabi ni President Digong Duterte sa American President -elect nga si Donald Trump pinaagi sa usa ka telepuno.

Miingon si Digong nga ganahan siyang Donald Trump kay parehas silag batasan: Himalikas.

Di lang diha kutob. Dihay usa ka news site sa internet nga mi-juxtapose sa ilang mga hulagway nga miisa sila sa ilang tuo nga kumo.

Silang duha usab kusog muhatag og mga makalilisang nga pulong nga ila ra pong bawion sa sunod adlaw. Ug kon nga dili nila mabawi, ang ilang mga sinaligan maoy mopasabot sa katawhan kon nganong ila kadtong gilituk.

Ang lain pa nilang similaridad mao ang ilang kumbati batok sa established media. Mas daghan pa ang intersado sa America nga mobasa sa gi-tweet ni Donald Trump kay sa gipang yawit sa CNN. Ug ang kataw-anan kay nahimong ahenti sa panghadluk batok kang Trump ang CNN. Daw nabalintong ang kalibutan og sila na karon midala sa papel sa Fox News nga sa una nagsige lag hatag og dautang balita kabahin ni Obama.

Samtang sa Pilipinas, mas daghan pag follower ang pro Digong blogger nga si Mocha Uson kay sa Rappler. Gani mas taas pa ang rating sa iyang blog kay sa Philippine Daily Inquirer. Gitangtang sa Youtube ang fb account sa ni petition nga ipatangtang ang account ni USON sa fb. Speak of boomerang.

Nagkanayon si Duterte nga sa ilang pito ka minuto nga isturyahanay ni Trump nga misuporta ang nauwahi sa iyang krusada kontra drugas. Ug tungod niani dili na kaayo init ang dugo ni Duterte batok sa US of A.

Ang pagsaka ning duha ka sipat nasulod sa populist trend nga localize ang context. Kill local matud pa sa poster. Or ingnon ta lang nga -hit on the local issues first before you go national and global.

Sa wala pa modaug si Trump diha na ang kadaugan sa Brexit, ang kalihukan sa UK nga buot mobuwag sa EU tungod sa daw way pili niani nga pagpanawat og refugees ug immigrants. Sa wala pa ang Brexit, diha nas Digong nga gitupo sa mga tao nga wa mauyon sa hinay og centralized kaayo nga serbisyo sa gobyerno.

Ug karon, murag daghan na ang mo kuyog kanila. Anaa ang Five Star movement sa Italy nga gipanguluhan sa komedyanting si Beppe Grillo. Sa Austria, naa si Norbert Hofer sa Freedom Party. Ug murag dakog purohan nga mahimong pangulo sa France si Marine La Pen sa National Front. Samtang sa Netherlands nanguna usab ang Party for Freedom nga gipangunahan sa sipat nga si Geert Wilders.

Silang tanan dunay sentimento kontra migrants ug EU. Kay kini kong nandagsa sa ila nga gibuhi sa ilang gobyerno, mokumpitinsya nilag pangitag trabaho ug ang uban niani mga terorista. Ug dili makababag ang ilang gobyerno ning nagdagsa kay ang EU may magbuot niani. Tungod ning maong problema dunay populist rebellion nga mitubo sa ilang lugar. Ingnon ta lang nakaunas Digong kanila.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

TAGS: America, American, Digong, Donald Trump, Duterte, global, kill, local, Philippine Daily Inquirer, Rodrigo Duterte, sequel, Trump

We use cookies to ensure you get the best experience on our website. By continuing, you are agreeing to our use of cookies. To find out more, please click this link.