Ang simpling taho: Senate committees on justice and human rights report no state-sponsored killings.
Expected reaction 01: Ang kusog mobasol sa kagamhanan sa mga patay nga nahitabo mopiyaet og moingong midapig sa gobyerno ang gahimo sa report.
Expected reaction 02: Ang mga dapig sa kagamhanan karon moingog — Da! Tan-awa ra. Gapataka lang mog yawit mga human rights activist. Wa man lagi “state-sponsored killing.”
Ang “state-sponsored killing” maoy laing termino sa paboritong pulong sa mga kontra Digong nga “extrajudicial killing.” Mao kini ilang itawag sa tanang napatay sa kadalanan nga may kalabutan sa droga labi na kon dunay karatola nga ibilin ibabaw sa patay nga lawas.
Ang tanan nga dunay agenda mohimo man gud og propaganda pinaagi sa paglumpong sa mga susama nga hitabo. Gatuo sila nga daghan silang madani pinaagi sa padaghanay sa ilang koliksyon. Kutob sa matumba sa susamang hitabo, ila dayong idugang sa ilang lista.
Daw dunay lainlaing panan-aw kon unsa kining “extrajudicial killing” o sa pinalanggang short cut “EJK.” Aniay mga pipila nga alang kanako dili EJK.
Dili EJK 001: Ang pulis nag-“moonlight” pagka killer ug gibayran pagpatay. Dili EJK ang maong pagpatay.
Dili EJK 002: Ang pulis mipatay sa usa ka pusher kay mahadlok siyang ibulgar ug ilambigit niani sa druga.
Dili EJK 003: Pulis mipatay sa usa ka drug lord kay ibulgar unya siya niani.
Dili EJK 004: Gipatay tungod sa atraso unya gibinlan lag karatula nga may tatak pusher.
Dili EJK 005: Way sala, nasaypan lang ug napatay; walay labot, naigo lang pagpinusilay.
Para maprobahan nga ang usa ka pagpatay EJK o state-sponsored killing, kinahanglan nga mapakita nga may mando sa kagamhanan ang maong pagpatay. Kon pipila lang ka pulis ang nagkonsabo para manulis o mag-mercenary, dili kini matawag og ingon.
Kon mao gani kini ang nahitabo, angay ta kining tawgon og “Ninja Cop Syndrome” o “NCS.”
Kay matag litok mo man gud og EJK, giakusahan mo man ang gobyerno, bisan pa man og wa kay pruweba o kamatuoran, nga maoy nagpaluyo sa maong mga pagpatay.
Ug nga imbis mokuyog kanimo ang uban sa pagsulbad o pagsumpa ning maong mga patay, daghan na ang molikay kanimo kay alang kanila ang paglituk mo og “EJK” nagpasabot ang imong kalihukang gipaluyuhan dili ang pagsulbad sa patay kon dili ang pagsanta sa gobyerno sa iyang lihok kontra druga.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
