Super Hirit

Kuwarta ang hinungdan pagpasira sa Rico’s Lechon

SHARES:

09:23 PM August 20th, 2017

Recommended
By: Lloyd Suarez, August 20th, 2017 09:23 PM

Maka-ingon unta ko nga tinarong ni’ng pagpasira ni Cebu City Mayor Tomas Osmeña sa ihawan ug litsonan sa Rico’s Lechon kung iya pa kini’ng gihimo niadtong panahon nga kasosyo pa sa negosyo sa litsonan ni Rico Dionson ang umagad ni Osmeña nga si Bea Villegas Osmeña.

Karon nalang gi-estrikto sa mayor ang Rico’s Lechon kay dili na kakuwarta ang iyang umagad diin apektado ang pamilya?

Pastilan ni’ng klaseha sa tawo. Nakita g’yud kung unsa siya ka vindictive.

In fairness ni Dionson, wa tuyo-a nga mo-operate nga kuwang sa mga papeles kay nagsalig lagi ni Bea nga impluwensiyado sa City Hall.

Dili ba puwede’ng kasohan si Mayor Osmeña sa Ombudsman Visayas tungod sa conflict of interest?

Pila ka tuig nga mi-tolerate si Mr. Osmeña sa operation sa Rico’s Lechon bisag kuwang sa mga papeles sa mayor’s ug business permit?

Karon pa madiskita-i ang mga kalapasan kay putol ang partnership sa negosyo tali sa Dionson ug Osmeña family?

Mao ni ang gipanghambug ni Osmeña nga tinarong iyang liderato? Pakauwaw lang mo sa lungsod!

* * *

Ngan nga taga Dalaguete ko, akoy naanugnan nga idayon na ang pagbaligya sa Cebu Provincial government pinaagi kang Governor Hilario “Junjun” Davide ang Cebu International Convention Center (CICC) ngadto sa Mandaue City government.

Nabuta-an sa ilang mga mata sila si Governor Davide ug iyang mga economic managers sa pagka bililhon sa location sa CICC nga karon daghan na kaayong mga business establishments ang nagpalibot.

Karon atong makita diha duol sa CICC nga booming na g’yud kaayo kay dunay mga negosyante nga nagpatukod og mga bag-ong building.

Bisan pa tingali nga napuno sa corruption ang pagtukod sa CICC sa panahon ni kanhi gobernador Gwendolyn Garcia apan di sab tingali nato ibaliwa nga viable g’yud kaayo ang lugar sa patigayon.

Ang buot nako’ng ipasabot nga mo-income g’yud ang lalawigan sa Sugbo kung kini paabangan sa daku’ng kantidad.

Kung sa panahon nga ma-gobernador si Mandaue City Mayor Luigi Quisumbing akong hangyoon nga ibalik kining maong propedad sa lalawigan sa

Sugbo aron ang income niini magamit intawon sa mga daghang kabus sa probensiya.

Yawat nalang unta nga ang income sa CICC magamit sa mga naghigwa-os sa kalisud.

* * *

Daghan ang misaway ug mitimang batok sa police operations sa Caloocan City nga napatay ang 17 anyos nga tinun-an sa Grade 11 nga si Kian Loyd Delos Santos.

Hinoon kung sad-an g’yud ang mga operatiba nga mipatay sa batan-on nga walang “kalaban-laban” basi sa CCTV footage butang nga silotan ang mga police.

Apan kung nibunot ug nisukol ang estudyante may rason nga siya napatay human nabutang sab sa peligro ang kinabuhi sa kapolisan.

In fairness sa mga pulis, way pili ang edad sa sindikato sa illegal drugs.

Dinhi lang sa ato diha mismo sa Carbon-Ermita kapila na g’yud gigamit ang mga bata paghatod og shabu nga isagol sa asin o ba kaha pundok sa mga tawas sa mga ginikanan nga sakop sa sindikato.

Ang pangidaron nga 17 anyos may insakto na’g kusog ug capable na nga mosukol sa kapolisan.

Kadtong mga kritiko nga nagsigeg panaway niining gubat batok sa illegal nga drugas maayo unta nga hinuktukan ang padayong gubat karon sa Marawi diin sagad sa mga combatant sa habig sa mga terorista mga batan-on ug minor de edad.

Disclaimer: Comments do not represent the views of INQUIRER.net. We reserve the right to exclude comments which are inconsistent with our editorial standards. FULL DISCLAIMER

For feedback, complaints, or inquiries, contact us.
Popular
JUSTICE FOR MAXI
JUSTICE FOR MAXI
September 21st, 2017
SONNY   IS CEBU’S RICHEST EXEC
SONNY IS CEBU’S RICHEST EXEC
September 23rd, 2017