Talk dirty to me, Tom (millennial edition)

By: Gerard Pareja November 12,2017 - 10:11 PM

Gerard Pareja

Pagsuwat ni Dante Alighieri sa iyang essay nga “In Praise of the Vulgar Tongue,” ang iyang tumong mao ang pag-champion sa Italian language nga giingong ubos ra kon itandi sa Latin, nga maoy opisyal nga pinulongan sa ilang nasud sa iyang panahon.

Ang pulong “vulgar” sa ulohan ning maong essay wala magpasabot nga sexual o bastos. Mipasabot lang kini nga ang Italian niadto maoy lingua pang masa sa iyang lugar.

Sa ato ang termino nga “bulgar” nagpasabot sa pag pamalikas ug sa paghisgut sa kinatawo ug pakighilawas.

Tungod tingali kay gidili kining maong termino sa mga pormal nga panagtapuk, daghan kanato ang malingaw o gilukan nga maminaw niani. Maurag matawag tang liberating kining maong mga pulong. Tinuod dunay hilasan apan daghan sab ang moagik-ik.

Sa America, bisan pa man sa ilang pagka politically correct, daghan sa ilang mga popular figure nga mogamit niani sa mga interview.

Si Kobe Bryant niadto daghang beep sa iyang pakighinabe sa press. Si Miley Cyrus kusog sab mogamit sa “F word” labi nag modawat kinig award.

Matud pas usa ka call center instructor, “smart people cuss a lot.” Tingali relaxing o di ba kaha empowering kining maong mga bulgar nga pulong.

Bagsik ka o way paki kon kusog ka mogamit niani.

Niadtong panahon sa kampanya, daw on cue ang mga follower ni Digong nga mopakpak dayog mosyagit inig litok nianig “put___ _na!” Gani gatuo ako nga plus points alang kang Duterte ang maong pamalikas.

Karon lang bag-o may babaye nga gi-interview sa YouTube kabahin sa iyang anak nga nanunggab og bayot. Sa iyang asoy, dunay relasyon ang iyang bana sa bayot. Gidaut siya sa bayot nga duna kuno siyay sakit sa kinatawo ug nga nanimaho na ang iyaha. Nasuko ang iyang anak niani.

Ug maong pagtunga sa bayot gidunggab kini sa iyang anak.

Graphic ang mga pulong sa babaye. Daghang nakurat sa iyang pag-quote sa mga giingon sa bayot kabahin niya. Daghan ang mikaging sa mga nakakita ning maong video. Apan daghan sab kaayo ang nalingaw.

Labi na ang mga millennials nga naghimog mga dance mix ug mga pag splice niani sa mga commercial, sama pananglit sa Nesfruta edit nga duna nay kapin sa 200,000 nga views. Ang original video duna nay 1.7 million views. Daghan na ang mi google sa phrase nga “bahug b.”

Pwerting sikata niani nga hasta ang Facebook ni Mayor Osmeña migamit niani isip hashtag paghulagway sa Team Rama, ang partido nga iyang kontra sa politika. Dako sab diay nga fan si Tomas ning maong video? O misakay lang kini sa trend?

Midalidali intawon pag panghimakak ang palaaway nga mayor nga dili kuno siya maoy nag-post niadto. Daghan ang nahimuot sa iyang nagkapuliki nga pamalibad. “Da,” matud pas kadaghanan, “di lagi siya maoy gada anang iyang Facebook.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

TAGS: dirty, edition, ME, Millennial, talk, to, Tom

We use cookies to ensure you get the best experience on our website. By continuing, you are agreeing to our use of cookies. To find out more, please click this link.