SHARES:

10:39 PM February 11th, 2018

Recommended
By: Gerard Pareja, February 11th, 2018 10:39 PM

Gerard Pareja

Kasagaran nato dunay varying degrees of homophobia. Ug tungod nianing maong phobia daghan ang nahimong reactionary.

Gamay lang kisaw sa LGBT managhugpong dayon kining maong mga reactionary para mo rally ug mo protesta.

Di ko ka pugong ug makatawa kon singitan dayon kini nila og religion.

Sama sa nahitabo nga rally ug vigil nga gihimo sa pipila ka religious groups batok sa giingong Sexual Orientation and Gender Identity and Expression o SOGIE Bill didto sa EDSA niadtong Sabado sa hapon.

Ang mga rason sa mga mikuyog ning maong mga protesta nagka lainlain pero puros may kalabitan sa kahadluk sa kausaban.

Dunay miingon nga wan a kini kinahanglana kay giprotihian naman ang LGBT sa atong mga balaud.

Duna say miingon nga kining SOGIE mao na ang unang tikang sa hagdanan paingon sa same-sex marriage.

May pipila pud nga mihisgut og Bibliya ug mipahimangno nga mahitabo unya kanato ang nahitabo sa Sodom and Gomora kon atong patuyangan ang gusto sa mga bayot ug tomboy.

Nianing tungora ako makangisig daku kay mura man silag mga bata nga gihadluk og abat.

Tingali may gibug-aton ang unang katarongan.

Kay mahulog man tuod nga class legislation ang paghimog balaud para lang sa mga LGBT.

Daw nahimo silang pinalabi. Pero nakasabot ako sa tumong sa mga dapig sa SOGIE.

Buot nilang ipalanug nga dili madaldali pagsalikway o basta na lang babagan sa ilang kalihukan ang mga binuhat tungod lang sa ilang sexual identity.

Duna koy higala nga gay fashion designer nga gaipon sa iyang uyab.

Nangita silag apartment nga kabalhinan kay murag i-demolish na ang ilang giabangan.

Diha na silay napilian nga apartment ug buot na unta silang mobalhin dihang nausab ang hunahuna sa tag-iya sa luna dihang nakahibawo kini nga mga bayot diay ang mamuyo sa iyang lugar.

Ang mga ingon niani nga sitwasyon maoy naka palihuk sa mga LGBT community pag rally luyo sa SOGIE bill.

Niadtong wala pay mga mall daghang mobugalbugal ug mo dapat sa mga LGBT sa kadalanan kay wa may makabadlong sa mo kontra kanila.

Pag-abot sa mga mall nga daghan na nag security guard kompyansa na nga morampa ang mga LGBT sulod ning maong mga building.

Lesbians Gay Bisexuals Transgender maoy kahulugan ning maong mga litra. Ato ning kalruhon.

Kay ang akong higala nga si Jack Biantan duna sad bayay iyang LGBT nga kapunongan, “Lami Gihapon Bisag Tiguwang.” Basig mo lobby sad nig ilang anti-discriminatory bill.

Disclaimer: Comments do not represent the views of INQUIRER.net. We reserve the right to exclude comments which are inconsistent with our editorial standards. FULL DISCLAIMER

TAGS: lgbt, Shodi, SOGIE
For feedback, complaints, or inquiries, contact us.