“Asa na ang kiha batok kang Abraham Lee?”

By: Lloyd Suarez March 11,2018 - 10:57 PM

SUAREZ

Bisan unsaon nako pag-analisar, usa gyud ka hinanggaw ang nahuna-hunaan ni Cebu City Mayor Tomas Osmeña nga did-an na ang mga construction firms pagtukod og sleeping quarters sama sa bunkhouse nga tulganan sa mga construction workers nga may gitrabaho nga building dinhi sa dakbayan sa Sugbo.

Nakahuna-huna ang mayor niini dihang nahugno ang bunkhouse sa J.E. Abraham Lee Construction nga napatyan og lima ka mga trabahante ug naka-angol sa uban.

Ang rason sa mayor pag-ban sa mga bunkhouse aron ang taga dinhi ra sa Siudad sa Sugbo ang maka-trabaho ngan nga anaa ra dinhi nagpuyo ug gawas pa kini maoy rason nga midaghan ang mga residente dinhi sa Siudad kay ang mga construction workers dili na ganahan manguli sa probensiya inig ka human sa proyekto.

Unsa may buot ipasabot ni Tommy? Iyang kuhaan og katungod ang mga contractor pag-pili og mga tawo nga masaligan ug naandan na unya mga skilled workers?

Nganong likoy man kaayo ang logic ni Tommy sa pagkahugno sa bunkhouse ni Abraham Lee?

Ngano man diay kung estriktohon na gyud ang tulganan sa mga construction workers nga gamitan na og mga container van unya de aircon?

Sa laing bahin, unsa may rason nga wa man mo-initiate ang taga Homicide Section sa Cebu City Police Office pagkiha sa kontraktor og kasong reckless imprudence resulting in multiple homicide and multiple physical injuries inabagan sa taga Office of the Building Official?
* * *

Niadtong petsa 20 sa Pebrero, si Dr. Vangie Andeza mipalanog sa iyang reklamo atol sa akong radio program sa DYSS Super Radyo batok sa ilang silingan nga factory sa construction materials diha sa A.S. Fortuna Mandaue.

Sentro sa iyang reklamo kay kini maoy hinungdan nga gipanghubak silang tagbalay ug iyang mga silingan unya nagbalik-balik na sila sa ospital tungod sa gibuga nga itom nga aso, abog ug baho sa matang nga negosyo nga iya ni Slater Young.

Matud pa, gi-estoryahan na niya ang tag-iya ug mipasalig nga mobalhin sila og bag-ong location sa panahon nga maka-kompleto na sa mga permits.

Si Dr. Andeza, midangop na sa Barangay, sa DENR ug sa CENRO Mandue ug Mandaue City Health aron pagpasira ug paghunong sa operation ni Young.

May mga kasayuran na si Dr. Andeza nga way permit ang operation sa negosyante.

Si Young nanawag nako niadtong Biyernes sa hapon ug mipasabot nga legal ug may permit sila.

Iyang gipasabot nga duna silay gi-comply nga ubang requirements sa DENR sa ilang operation.

Kaniadtu, gawas kang Dr. Andeza dihay ubang mga residente ang mireklamo sa ilang operation gumikan sa kaabog.

Naningkamot sila nga ma-minimize ang kaabog.

Karong bag-o, bugtong si Dr. Andeza nalang ang reklamador kaayo.

Matud pa sa magpapatigayon nga may kasuko sa ilang pamilya si Dr. Andeza tungod sa personal nga isyu.

Ang nakanindot lang kay mi-acknowledge si Young nga may sayop sila’g diutay kay wa pa gyud nila masulbad sa hingpit ang pag-buga og abog.

Apan sumaa niya nga mi-order na sila sa gawas og mas high tech nga dust collector nga adto ma-trap ang mga fine particles aron dili gyud makagawas sa ilang compound.

Dili sab kuno makadaut ang baho gikan kanila kay baho raman sa semento kay ang ilang produkto mao man ang “lite block” nga bag-ong teknolohiya nga susamag hollow block.

Bahin sa tinguha ni Dr. Andeza nga pasirad-an iyang establismento, miingon ang negosyante nga makalolooy ang iyang 70 kapin ka mga trabahante nga sagad nagdawat og sobra sa minimum wage.

Iyang gipasalig nga andam sila’ng makig-dialogue ni Dr. Andeza aron pagsulbad ning maong problema.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

TAGS: asa, Lloyd Suarez

We use cookies to ensure you get the best experience on our website. By continuing, you are agreeing to our use of cookies. To find out more, please click this link.