Femme fatale in distress

By: Gerard Pareja December 16,2014 - 11:14 AM

Nyor Gamay (NG): Nyor, Unsa may ikasulti nimo nianing pagbalik sa gikaingon nga pinakagawapa nga shoplifter nga na-dakpan sa Sugbo?

Nyor Daku (ND): ah….si…

NG: Ayaw, Nyor!

ND: Unsay ayaw?

NG: Ayaw pag isulti ang iyang pangan kay underage pa siya, menor de edad pa.

ND: Ha? Di ba gihinganlan naman siya sa media niadtong gisikop siya gikan sa Cabo San Miguel Resort sa Asturias?

NG: O Nyor, pero niadto gung panahona, 23 pa may edad nga iyang gibungat. Apan pag check nila sa iyang eskwelahan sa Leyte nahibaw-an nga 16 years old pa diay siya. Mao nga ato na lang siyang tawgon sa ngan nga “Belle.”

ND:  Belle? Rings a bell. Ring my bell. Nganong di naman lang Bella? Para maparihas sa babaye sa sine nga Twilight.

NG: Ayaw, Nyor, kay naa na baya si Bella Ruby Santos.

ND: Bitaw Nyor, no. Naa man diay ang laing femme fatale slash damsel in distress nga duna nianing maong pangan. Ikaw man gyuy hilig magsunod sa mga balita Nyor, tagai kuno kog litaniya ning gipang bukong ni Belle.

NG: Usa ka boutique, usa ka disco bar, usa ka pension house, usa ka beauty parlor ug usa ka resort.

ND: Maayo kay medyo varied, dili kayo predictable ang iyang padagan.

NG: Bitaw Nyor no. Pero unsa man na ang imong gipang yawyaw nga femme fatale ug damsel in distress.

ND: Mga tipo o klase sa babaye nga kasagarang mugawas sa mga sugilanon. Unang gigamit ang French nga pulong nga Femme Fatale niadto pang 2012. Ang deretsong hubad niani mao ang “babaye nga gadag dimalas.” Apan sa mga sugilanon, usa siya ka maanyag ug mabihagon nga binuhat nga mo dani ug mo-tintal sa usa ka ordinaryong lalake paghimo og dautang buhat. Iyang tintalon ug kung maganahan na kining moangkon kaniya, iya na   kining sugo-on pagpatay o pag-pangawat o pagpangilad ba hinuon.

Ang ending niani mahimo nga iyang biyaan ang lalake nga magsalimuang o di ba hinuon silang duha ma priso o mangamatay. Hinuon dili sexually oriented ang mga hinangaw ni Belle apan ma konektar mo gihapon kini sa maong tema kay gigamit man gihapon niya ang iyang kaanyag ug pagka maayo mosulti paglikay sa bayranan.

NG: Unya unsa man sad na ang Damsel in distress?

ND: Sa mga sugilanon usa siya ka binilanggo sa mga mga dautang binuhat ug naghuwat og nag-ampo siya nga luwason sa usa ka prinsipe o sundalo nga dili mahadlok makig-atubang sa nag bilanggo kaniya. Knight in Shining Armor maoy tawag sa Ininglis sa moluwas sa Damsel in Distress. Sa bahin ni Belle, daw usa ka sakit sa pangisip ang nag bilanggo kaniya. Usa ka maayong doctor ang mahimong makaluwas kaniya. O di ba hinuon usa ka binuhat nga mo-amping o mopangga kaniya. Ikaw Nyor, ready na ba ka nga mahimong knight in shining armor ni Belle?

NG: Gwapa kaayo siya Nyor, pero pass lang sa ko Nyor.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

TAGS: Cebu

We use cookies to ensure you get the best experience on our website. By continuing, you are agreeing to our use of cookies. To find out more, please click this link.