Nyor Daku (ND): O, Nyor, wayuk man kaayo tag attire.
Nyor Gamay (NG): Ikaw gyud, Nyor. Pang exercise baya ni.
ND: Mao ba? Imong sun-on ang regimen ni Pacman?
NG: Di sad, Nyor, uy. Mabun-og ta ana. Di man ta makig sangka sa ring.
ND: Mointra kag marathon? Pila ka kilometro imong daganon?
NG: Wa intawn tay round sa mga Nigerian nga tag-as kaayog biti-is, nyor. Di na lang ta patugatuga.
ND: Ah, mag Iron Man tingali ka? Pang triathlete ning imong hirit pero giuna sa nimo ang dagan ug unya na lang ang languy ug bisiklita.
NG: Iron Man? Unsa avengers?
ND: Ah, dunay guapa sa oval nga imong kuyogag jogging no?
NG: Di ta patugatuga, Nyor, basig mabiyaan ta mohangus ba hinuon, kataw-an unya ta.
ND: Unsa man gyud diay tumong ug tinguha nianang imong japorms, Nyor?
NG: Japorms? Karaan baya anang imong termino Nyor. Kadto pa man nang 28 pa ang sukod sa akong hawak.
ND: Karon, pila naman diay imong hawak?
NG: 36.
ND: Usa ra man lagi akong nakita.
NG: Ayaw gud sigeg inamaw, Nyor. Ganahan ko mobalik niadtong 26 pa ang sukod sa akong hawak. Mao ning mag exercise ko.
ND: Sipyat ka, Nyor.
NG: Ha? Ngano man?
ND: Di na makapagamay ang exercise. Mapilasan na lang imong bugan di pa gihapon ka maniwang.
NG: Saba diha, Nyor, uy. Mangangin lang gyud kas imong katapulan.
ND: Racket ra na tanan, Nyor. Gihimo ang exercise culture para makasapi ang mga tighimog sapatos, tigbuhat og sportswear, tigbaligyag equipment. Unya inig human nimog exercise gutomon man ka di habhab dayon. Makasapi nasad nimo ang mga fast-food chain ug mga linata. Viscious cycle, Nyor.
NG: Diin gud ka makahibawo ana, Nyor? Mura man nag conspiracy theory.
ND: Ambot lag ga conspire ba sila pero daghan gyud silang na-shot sa taro ani ilang kiat.
NG: Unsa man diay paagi nga maniwang ta, Nyor?
ND: Diet.
NG: Ha? Abi nakog unsa.
ND: Nothing revolutionary, Nyor, calorie cut ra gyud. Mao ni giingon sa British Journal of Sports Medicine. “Let us bust the myth of physical activity and obesity. You cannot outrun a bad diet,” nagkanayon ang usa ka doctor nga manunulat ning maong basahon.
NG: Mao ba, Nyor? Ka anugon diay ning pang cross training nako nga sapatos.
ND: Matud sa maong journal nailad ta sa public relations machinery sa mga food manufacturer.
NG: Unsaon naman lang ang humba nga lata?
ND: Okay ra ang humba nga lata, Nyor, mo reduce ra gihapon ka ayaw lag daghana ang ibahug nimong kan-ong humay. Ang calorie man gyud maoy maka paburot nato. Exercise lang gihapon, Nyor, kay maayo man na sa kasingkasing ug sa panghunahuna pero ayaw lang pagdahum nga moniwang ka.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
