Salins Hulbot
Nyor Daku (ND): Nasuroy lagi ta, Nyor.
Nyor Gamay (NG): Gilaay kos amo kay pwerting inita unya wa pa gyuy tubig. Maligo nya kos inyong puso ha inig dayon nakong pauli.
ND: Way problema, Nyor, basta ikaw. Lain pay ato, Nyor, DO ka o DR?
NG: Unsa man nang DO?
ND: Duterte-Osmeña.
NG: Ha? Unya kanang DR? Party list sa mga doctor?
ND: Duterte-Rama na, Nyor.
NG: Wa gyud diay tay eskapo ani. Aw, RoRo man hinuon ko.
ND: Roxas-Robredo diay ka?
NG: Dili uy. Rodrigo Roa Duterte ko.
ND: Ha! Kamao sad ka da.
NG: Gatuo tingali ka, Nyor, nga ikaw ray kamao. Ikaw, kinsa may imong kandidato?
ND: Ay lag kalain ha pero ALDUB ra ba ko.
NG: ALDUB?
ND: Alyansang Duterte-Bongbong.
NG: Kamao gyud ka mag sinipat, Nyor. Bilib gyud ko nimo.
ND: Naahat na lang kog kat-un, Nyor, kay naa man ka.
NG: Wa gyud masuyop sa init ang imong pagka hanggaw, Nyor.
ND: Pwera Buyag.
NG: Dia koy dalang watermelon, Nyor, mangaon ta.
ND: Slices naman lagi na. Modern gyud ka, Nyor.
NG: Kapuy kaayo tong tibuok, Nyor, kay mangita pa tag kutsilyo.
ND: Dali, dayon. Kay parisan ta nag tubig sa lubi.
NG: Perfect. Dia koy quiz tan-awon tag maka perfect ba ka.
ND: Murag di ma ka mosugot og balibaran sa imong quiz. Sigue buhi-i na na.
NG: Kinsa may mga babae sa kinabuhi ni P-Noy?
ND: Na. Bawo lang.
NG: Try lang.
ND: Si Grace nga iyang iringiring, si Kris, ang iyang badlungong igsuon ug si Pia nga ni busted niya.
NG: Wa ko kahibawo anang busted nga angle da. Pero zero ka, Nyor.
ND: Mao ba. Sorry ha. Kinsa man diay na sila?
NG: Una si Cory.
ND: Ah, kay di siya matawo kon wa pa si Cory ug di pud unta siya mahimong presidente kon wa pa kini mamatay.
NG: Correct. Ika duha si Gloria.
ND: Kay maoy iyang gihimong example sa iyang anti-corruption drive.
NG: Correct na naman. Ug ang ika tulo si Yolanda.
ND: Ah, okay. Ang bagyo nga mipakita nga dili maayo mo dalag crisis management ang iyang pamunuan.
NG: Correct na naman. Kamao man lagi ka, Nyor.
DD: Pero si Mama diay, nyor?
NG: Mama? Kang kinsang mama, Nyor?
ND: Si Mamasapano.
NG: Aw.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
