Ipatigbabaw ang kagawasan, ibagsak ang martial law

By: Lloyd Suarez September 18,2016 - 09:28 PM


Subo kaayong palandungon kay samtang nag-obserbar kami karong mga panahuna sa Cebu Press Freedom Week, nagkadiyutay intawon ang among puwersa sa print and broadcast media.

Ang mga hinungdan basi sa akong mga pangagpas tungod kay gawas nga risgo kining matanga sa profession ug wa kay tinuod nga amigo, gamay ra gyud ang suweldo, usahay langay pa ang suweldo unya kuwang sa mga benipisyo ug way security of tenure. Sa laktod, dili gyud makadato ang pagsulod sa media.

Laing subo nga panghitabo karong bag-o mao ang kalit-kalit nga desisyon sa top management sa TV-5 nga mipaundang sa ilang local newscast matag hapon.

Hinuon in fairness sa management, ila kining prerogative. Apan anaa ang akong simpatiya sa among mga kauban sa mahitabo damlag isip mga pamilyado.
Pero ang labing nindot niining inampingan nga
profession mao ang pagbaton namo sa tinud-anay nga kagawasan. Gani sa sobra’ng kagawasan, giabusohan kini sa uban kay makalimtan na lang nga may katugbang kini nga mga responsibilidad.

Matag panid sa tinuig namo’ng selebrasyon, hugtanon namo’ng gikondenar ug ipabagsak ang mga plano pagdeklarar og martial law kay sa panahon nga gawngan ang among mga katungod, segurado gyud nga matuis ang pagbarug sa kamatuoran kay unsaon pa man ang pagmantala ug pagsibya sa tinuod kung mahulga na ang among mga katungod?

Sa pagbukas kagahapon pinaagi sa Press Freedom Walk, napakyas ko pagsalmot sa maong parade gikan sa Kapitolyo paingon sa University of San Carlos North Campus tungod kay dunay mga importanteng gipang-asikaso.

Mideritso na lang ko ug akong tibuok pamilya pagtambong sa Santos nga Misa nga gipasiugdahan ni Padre Bobby Ebisa kay akong gipaapil sa maong misa ang akong pinanggang inahan paghandom sa iyang adlaw’ng natawhan kagahapon.

Salamat kaayo kang Ador Mayol nga maoy akong gipamalihug pagpaapil sa akong inahan nga atua na sa laing kalibutan.

Nabahin ang akong attention kay gibuksan sab kagahapon ang inter-co-op tournament sa duwang basketball ug volleyball.

* * *

Wa nay kahigayunan nga malimpiyohan pa ang pangan ni PNP retired general Vicente Loot nga nalambigit gyud sa illegal drugs operation kay gihisgutan na sab siya ni Presidente Duterte.

Haskang ngilngiga gyud ni Loot nga maoy mayor karon sa Daanbantayan kung apil sa iyang operation ang Luzon area sa Region 1-4 gawas dinhi sa Kabisay-an.

Sa final list ni Duterte, maapil pa kaha ang pangan ni kanhi Cebu City mayor Michael Rama?

Sagad ra ba kuno nga anaa sa listahan mao ang mga kaalyado sa Liberal Party.

* * *
Konbinsido ko sa akong mga guests niadtong Sabado sa among programa’ng “Dialogue On The Air” sa DYSS nga mga experto gyud to sila sa sports nga skate board/long boarding.
Kay gawas sa ilang mga estorya, dunay mga independente nga mga tawo nga akong naestorya bahin sa ilang abilidad.

Usa sa akong guests nga mao si John Rex Tongco nadiin-diin na sa ubang mga nasod.

Bisan si Cebu City Councilor Sisinio Bebs Andales ug Atty. Rafael Yap, hepe sa Cebu City Traffic Office, possible nga maka-reconsider sa una nilang nahuna-hunaan nga i-total ban ang mga mag-skating sa kadalanan.

Kauban ni Tongco sa long boarding sila si Antoni Ryan Tan ug Jun Vidal nanghangyo nila ni Konsehal Andales nga tugotan sila sa kadalanan sama sa mga mag-bisiklita.

Ang ilang advocacy karon mao nga ang bike lane nga itagana sa gobyerno himuon na lang kini nga Free Energy Transportation Lane aron adto lang sab sila mag-skating kay sa 500 nila ka mga miyembro, duna nay 10 porsiyento nga ang skate boarding gihimo na nilang mode of transportation tungod sa ka-traffic na dinhi sa Metro Cebu.

Subscribe to our regional newsletter

By providing an email address. I agree to the Terms of Use and acknowledge that I have read the Privacy Policy.
Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

TAGS: Cebu, Cebu City, Cebu Press Freedom, Cebu Press Freedom Week, Liberal Party, LP, North Campus, Press Freedom, University of San Carlos, USC

Subscribe to our regional newsletter

By providing an email address. I agree to the Terms of Use and
acknowledge that I have read the Privacy Policy.

We use cookies to ensure you get the best experience on our website. By continuing, you are agreeing to our use of cookies. To find out more, please click this link.