Korina Sanchez ug Rudy Baldwin
Mabutang kuno sa peligro ang kinabuhi sa beterana nga broadcast journalist ug TV host nga si Korina Sanchez karong 2025. Kini matud pa ni Rudy Baldwin nga usa ka psychic o mananag-an.
Mao kuno na ang nakit-an nga “pangitain” o vision ni Rudy Baldwin sa dihang nagkaatubang sila sa beterana nga broadcaster sa programa niini nga “Rated Korina” sa karong bag-o lang.
Matud pa sa inila nga psychic, nakit-an niya si Korina nga naapil sa usa ka aksidente nga posible nga mahitabo sa mga petsa nga July 26, July 29, August 2, ug August 14.
“Ikaw Miss Korina, pagdating ng July saka August lalo na ‘yung July 29 saka 26 saka ‘yung August 2 at 14, ‘yung pagmamaneho mo huwag muna kasi may aksidente ka,” pasidaan pa ni Rudy sa award-winning TV host ug news anchor.
Basin Bet Pod Ni Nimo:
2025 Prediction: Kamatayan sa showbiz, banta ng kalikasan, bagong pandemya
Rudy Baldwin: Why her 2025 predictions fuel speculations
Korina malalagay sa panganib ang buhay ngayong 2025 – Rudy Baldwin
Makita pod ang kabalaka si Korina sa maong prediksyon ni Rudy ug nisulti nga hinumduman niya ang mga warning niini. Gisultian pa niya ang iyang personal assistant nga ilista ug patiman-an ang mga date nga gisulti ni Rudy.
“Hindi muna ako lalabas ng bahay? I-record mo nga ‘yung mga dates,” matud pa ni Korina sa iyang PA.
View this post on Instagram
Una pa niini, gipahibalo pod ni Rudy ang iyang prediksyon kabahin sa usa ka batan-on nga aktres nga kuno malugosan kuno karong 2025 ug ang pagkamatay sa usa ka ilado nga sexy vlogger tungod sa sakit nga cancer.
“Ang pangalan niya, nag-start sa letter M,” matud pa ni Rudy kabahin sa batan-on nga aktres nga mabiktima kuno sa pagpanglugos nga sa di pa lang dugay nga panahon kay nahimo nga kontrobersiyal tungod sa isyu nga ‘cheating.’
Nakit-an pod kuno ni Rudy ang pagkamatay sa usa ka vlogger nga nasakit kuno sa usa ka klase nga cancer. Nag-artista pod kuno ang maong vlogger.
Gihulagway sa psychic ang usa ka sikat nga content creator — nga gwapa ug sexy kuno. Foreigner pod ang amahan niini.
Matud pa ni Rudy nga, duna kunoy health problems kaniadto ang vlogger apan naayo ra siya niini.
“Bigla siyang nag-shut down,” sey ni Rudy hangtud nga nagkacancer kuno ang lawas niini tungod kay di na matambalan.
Ug bisan pa kuno sa kadaghan og kwarta sa maong vlogger, di na kuno niya maluwas ang iyang kinabuhi, “Hanggang doon na lang talaga siya, wala na akong nakikitang kadugtong.”
Dunay mga pangan nga gihisgotan ang mga netizen kung kinsa ang gipasabot nga young actress o batan-on nga aktres ug vlogger nga sikat kuno sa mananag-an apan warning sa uban, ayaw kuno tuohi si Rudy sa iyang mga prediksyon.
Tungod, matud pa nila, ang Diyos ra gyod ang nahahibawo sa mga mahitabo sa atong kaugmaon.
