Koo Jun-yup ug Barbie Hsu. | Images: Instagram/@djkoo, @voguetaiwan
Bisan pa man sa kalit nga kamatayon ni Barbie Hsu, gisaulog gihapon sa South Korean musician nga si Koo Jun-yup ang ilang 3rd wedding anniversary, ug iyang gihibaw sa tibuok kalibutan nga padayon niya nga higugmaon ang Taiwanese actress.
Namatay si Barbie tungod sa influenza-induced pneumonia niadtong Pebrero 2, ug gipahibaw sa iyang igsoon nga si Dee ang iyang kamatayon sa misunod nga adlaw.
Gi-cremate ang iyang patay nga lawas una kini gipauli sa Taiwan human milabay ang upat ka adlaw.
BASAHA SAB NI: Taiwanese aktres Barbie Hsu, nga naila sa Meteor Garden, mipanaw na
Sa iyang Instagram niadtong Sabado, Pebrero 8, gipahibaw ni Jun-yup kun unsa niya ka pinangga ang iyang asawa. Sa susamang adlaw iya usab nga gisaulog ang ila unta nga ikatulo nga wedding anniversary.
“I love you forever,” matud pa ni Jun-yup sa pinulungan nga Koreano.
BASAHA PUD NI: Jerry Yan on Barbie Hsu’s passing: ‘Thankful for meeting you’
‘Wicked people’
Ang maong post gibuhat ni Jun-yup duha ka adlaw ang milabay human niya ipahibaw nga iyang ihatag ang kinatibuk-an sa katigayonan ni Barbie ngadto sa iyang inahan.
Nagplano usab kuno siya sa pag pangunsulta sa mga abogado kun unsa ang mamahimo nga buhaton aron maprotektahan ang mga anak ni Barbie gikan sa mga gitawag niya nga “wicked people.”
BASAHA PUD NI: Timeline: Barbie Hsu’s final days until her passing
Apan wala na niya hinganli sa iyang post kun kinsa ang iyang gipasabot.
Sila si Jun-yup ug Barbie nagsugod og date niadtong 1998 apan nagbuwag human sa duha ka tuig. Human milabay ang 20 ka tuig, ilang gihatagan og lain nga higayon ang ilang gugma ug nagpakasal sila niadtong 2022.
Niadtong 2011, una nga gikasal si Barbie sa Chinese businessman nga si Wang Xiaofei apan gabuwag ra usab sila. Na-finalize ang ilang divorce niadtong 2021.
Sa wala pa ang ilang divorce, daghan ang mga pasangil nga nanggawas gikan sa duha ka habig. Gipasanginlan si Xiaofei nga wala mohatag sa insakto nga financial support sa iyang mga anak sumala sa ilang nasabutan. Nanggawas usab ang mga pasangil nga iyang gi-leak ang mga personal information ni Barbie online.
