Jam Magno gikasuhan ug cyber libel, misurender sa pulis

Jam Magno

CEBU CITY, Philippines – Mapasigarbuhong gibandera sa social media personality nga si Jam Magno ang iyang pag-surrender sa Criminal Investigation and Detection Group (CIDG) sa Butuan City Field Unit tungod sa tulo ka kalapasan sa Cybercrime Prevention Act.

Pinaagi sa iyang Facebook reels, gipakita ni Jam Magno ang iyang pagtahar nga murag gipangandaman jud niya tungod kay todo naka-make up pa kini ug naka-pustura.

Chika ni Jam, giunhan na niya pag surrender sa dili pa siya hantingon sa social media.

READ:

Influencer Jam Magno turns self in on psychological violence, posts bail — Butuan police

DOJ ipapakansela ang passport ni Harry Roque

Vloggers apologize under intense grilling in ‘fake news’ probe

Human ang boluntaryong pagtahar mibayad na usab dayon sa piyansa and sikat nga social media influencer nga mikabat ngadto sa P24,000 sa kada usa sa iyang tulo ka kaso.

“RELEASED IN PERFECT CONDITION I am so grateful to the CIDG – Butuan City Field Unit for taking care of me when I VOLUNTARILY SURRENDERED to your office today. Padayon!!” matod pa ni Jam sa caption sa iyang post.

Ug imbis nga maguol tungod sa giatubang nga mga kaso, makita nga murag proud ug happy ra si Jam sa mga nahitabo.

Tungod kay nakapagpiyansa na si Jam maong kasamtangan kining gawasnon samtang nagpadayon ang kaso.

Wala hinuon hisguti ni Jam ang detalye uig kung kinsa ang mikiha.

Sa laing bahin, mihimo na usab ug kasikas ang pangalan ni Jam Magno sa dihang iyang gitug-an nga nga dili niya suportado ang mga anak ni kanhi Pangulong Duterte bisan pa ug nagpabilin ang iyang pagsuporta sa kanhi presidente.