
Rogelio Adriano
Gilubong na ang vlogger nga namatay human nisugot sa challenge sa usa niya nga follower nga mokaon siya og manok nga kuyog ang tanan nga bukog niini.
Gikan sa Leyte ang ang content creator nga namatay tungod sa kumplikasyon sa pagmukbang niya sa mga bukog sa manok para lang sa P20,000 nga reward nga ihatag daw sa nichallenge niya.
Basaha Pod Ni: Russian vlogger ayaw tanggapin ng Russia, US; 18 months ikukulong sa Pinas
Diha mismo sa Facebook account sa namatay nga mukbanger nga si Rogelio Adriano makit-an nga live ang paghatod niini sa menteryo kung diin siya gilubong.
Makit-an sa video ang pipila ka mga lalaki nga nagtinabangay sa pagalsa sa lungon ni Rogelio pagawas sa ilang balay hangtod sa pagbutang niini sa karo nga maoy nidala na sa iyang patay nga lawas sa menteryo.
Atong mahinumduman nga ang maong vlogger nidawat sa hagit o challenge sa usa ka subscriber sa YouTube nga hatagan siya og P20,000 kung mahurot niini ang tibuok manok apil na ang mga bukog niini.
Basaha Pod Ni: Two Cebu-based vloggers face raps for risky highway stunts
Didto sa iyang vlog matan-aw ang pagkaon niya sa manok nga gipost pod niya sa iyang Facebook page, apan pipila ka adlaw kay gidali og dala siya sa hospital tungod sa grabe nga sakit sa tiyan nga nasinati niini.
Matud pa sa doktor nga nihiling sa vlogger, kay nakaangkon siya og internal injury sa abdomen o tiyan tungod sa mga gikaon nga mga bukog nga maoy niblock o ni-ali sa iyang intestine o tina-i. Mao kini ang hinungdan sa iyang pagkamatay.
Basaha Pod Ni: DOH eyes ‘mukbang’ ban after food vlogger’s death
Kalit kuno nga nideactivate sa social media account ang maong follower mao nga wa na maka-message ang mga higala nga content creator sa biktima ngadto sa maong follower.
Mao nga nanawagan ang pamilya ni Rogelio nga maayo unta nga matultulan ang maong follower ug manubag kini sa pagkamatay sa mukbanger.