Mao ni ang mga bag-o nga gikoronahan nga Bb. Pilipinas International nga si Katrina Johnson ug ang Bb. Pilipinas Globe nga si Annabelle McDonnell. Hulagway gikuha sa Bb. Pilipinas Facebook page.
Ang Binibining Pilipinas 2025 o Bb. Pilipinas 2025 nikorona na sa ilang mga bag-o nga reyna. Sila ang ang mga pageant veteran nga si Katrina Johnson ug si Annabelle McDonnell.
Si Johnson kay napili nga Bb. Pilipinas International samtang si McDonell kay nidaug isip Bb. Pilipinas Globe.
Gilupig ni Johnson, nga nirepresentar sa Davao Province, ug ni McDonnell, nga nidala sa Iligan City, ang 34 ka mga kaatbang sa seremonyas nga gihimo didto sa Smart Araneta Coliseum nga didto sa Araneta City sa Quezon City niadtong Domingo sa gabii sa Hunyo 15.
Basin Bet Pod Ni: Binibining Pilipinas 2025: Katrina Johnson, Annabelle McDonnell enter Top 14
Gawas pa niini, naangkon pod nila ang katungod nga morepresentar sa Pilipinas sa mga global nga competition — Miss International ug The Miss Globe nga mga pageant.
Nasunod ni Johnson ang iyang korona gikan sa nidaug niadtong 2024 nga si Myrna Eguerra, nga nangandam para mocompete sa 63rd Miss International pageant ngadto sa Japan karon Nobyembre.
Si Johnson ang bag-ong reyna morepresentar sa Pilipinas sa 64th nga edition sa Miss International pageant nga pagahimoon sunod tuig.
Basaha Pod Ni: Bb. Pilipinas 2024: Esguerra, Bungay ang nidaug, P1M ang premyo
Si McDonnell nakadawat sa iyang korona gikan ni Jasmin Bungay, nga nakakuha sa ikatulo nga lugar sa Miss Globe pageant nga didto gihimo sa Albania.
Ang maong European nation mohost og usab karon nga tuig sa Miss Globe pageant, ug ang final competition show gischedule sa Oktubre 15 (petsa 16 dinhi sa Manila.)
Ang first runner-up nga si Dalia Varde Khattab nga gikan sa Las Piñas and si Kathleen Espenido nga gikan sa Siargao nikompleto sa korte sa duha ka mga bag-o nga reyna.
Ang upat ka mga nidaug, nakalusot sa Top 14 sa pageant, diin kini ang una ug katapusang pagtangtang sa mga wa mapilii nga makalusot ngadto sa question-and-answer segment, ug dayon, nakuha ang mga titulo.
READ: Binibining Pilipinas 2025 crowns Katrina Johnson, Annabelle McDonnell as new queens
Ang SB19, nga nailhan pod nga mga hari sa P-Pop, nibalik karong tuiga para molingaw sa panon sa katawhan ug moharana sa mga kandidata.
Ang reigning nga Miss International Huynh Thi Thanh Thuy nga taga-Vietnam ug reigning nga Miss Globe Diana Moreno nga taga-Colombia niapil sa judging panel nga nagaapil sa 1986 Bb. Pilipinas International Alice Dixson.
