Vice Ganda and Ion Perez
CEBU CITY, Philippines– Parehong nagpakonsulta sa usa ka psychiatrist ang magtiayon nga sila si Vice Ganda ug Ion Perez tungod sa mga pagsulay nga ilang giagian sa mga milabay nga kautigan.
Sa usa ka interview kauban ang ANC news anchor nga si Karmina Constantino sa iyang YouTube vlog, gipadayag sa Phenomenal Box-office Star ang ilang pagpakonsulta ni Ion sa psychiatrist para sa counseling.
Gisulti sa “It’s Showtime” host nga nagpa therapy sila ni Ion niadtong panahon nga gisuspinde sa Movie and Television Review and Classification Board (MTRCB) ang ilang noontime show.
Tungod kini sa mga reklamo nga nadawat sa MTRCB kabahin sa law-ya kuno nga paagi sa pagkaon nila ni Vice ug Ion sa icing sa cake sa usa ka segment sa ilang noontime show.
“Nagte-therapy kasi kami. We regularly see a psychiatrist. Kasi ang dami naming pinagdaanan na pagsubok together.”
“Imagine, ‘yung na-suspend ‘yung programa namin dahil sa ginawa namin, na para sa amin hanggang ngayon ay wala kaming nakikita na mali sa ginawa namin.”
“Tapos nagmukha kaming kriminal, tapos nagkaroon kami ng criminal case because of that,” sigon ni Vice.
Violation
Galuha si Vice dihang gi saysay niya ang maong panghitabo sa iyang psychiatrist. Dugang niya nga nakita ug na-feel gyud niya ang gugma ni Ion isip usa ka partner tungod sa maong hitabo.
Gitambagan kuno sa psychiatrist si Ion nga mosuwat og usa ka pag-ampo ug hapit tanan niini alang kang Vice.
Sigon usab sa psychiatrist, nga gi dala-dala pa gihapon ni Ion ang guilt feeling sa pagka suspende sa “It’s Showtime” tungod sa nahimo nga “violation” sa maong programa.
Kun mahinumduman, gipulihan sa “It’s Your Lucky Day” ang “It’s Showtime” sa dihang temporaryo kini nga gipahunong sa pag-ere sa telebisyon.
Misaad si Vice nga andam niyang buhaton ang tanan para sa “It’s Showtime” ug dili niya tugotan nga mawala na lang ug malumos kini.
