Yabag nga nikanta sa videoke: Lalaki giloglog ang liog, gitigbas patay

Kini nahitabo sa lungsod sa Villanueva sa Misamis Oriental

Bandera graphics

Yabag ba kaayo ka ug dako ang tingog kung mokanta ka sa videoke? Bai, magnatngon ka kay basin maparehas ka sa usa ka lalaki didto sa Misamis Oriental nga gipatay sa iyang kauban sa inom tungod lang niini.

Nahimong dugoon ug nauli sa krimen ang pagtapok para maginom sa mga pipila ka lalaki didto sa Sitio Banban, Barangay Looc, Villanueva, Misamis Oriental sa di pa lang dugay nga panahon.

Basaha Pod Ni: ‘Gigil,’ ‘Videoke’ added to Oxford Dictionary

Kiniy human giloglog ang liog sa usa ka lalaki sa iyang kauban sa inom tungod kay gisabaan kini sa iyang higala sa dihang turno na sa biktima sa pagkanta sa videoke.

Sa initial nga imbestigasyon sa kapulisan, kapila na kuno gibadlong sa suspect ang biktima tungod sa kayabag niini sa iyang pagkanta. Naglagot kuno ang suspect kay lain-lain og tono ang tingog sa biktima sa iyang pagkanta sa awit sa videoke.

Basaha Pod Ni: ‘We love singing’: Filipinos find joy in karaoke

Matud pa sa Bandera nga nakakuha sa report sa Villanueva Municipal Police Station, niingon ang suspect nga nawad-an siya og control ug sa iyang kalagot iyang giloglog sa liog ang biktima samtang nagkanta kini pagkahuman niini gitigbas pa gyod niya kini. Matud pa sa suspect nga ang iyang gigamit sa pagloglog sa liog og pagtigbas sa biktima kay ang iyang sanggot.

Ang biktima nakaangkon og mga samad sa ulo, liog, ug likod — mga samad nga niresulta sa iyang pagkamatay.

Basaha Pod Ni: Sintunado sa videoke pinagtataga sa inuman, patay!

Gidakop dayon hinoon sa kapulisan ang suspek nga niangkon sa iyang gibuhat nga krimen. Pasakaan ang suspect sa kaso nga kinahanglan ipasaka sa krimen nga nabuhat niya.