Panahon sa panudya?

By: Gerard Pareja July 24,2016 - 09:29 PM

Ang atong mayor nga karon milarga para magpatambal sa iyang sakit nangimbargo sag mga ambulansya una siya migikan. Maayo siya kay duna man siyay pamiliti sa eroplano sa iyang pagpatambal sa laing nasud. Ang mga molupyo intawon sa mga barangay nga iyang gibawiag ambulansya wa nay masakyan kon simbako ma 50-50 ilang kinabuhi.

Ang iyang rason — inventory. Mura siyag miingon pangamatay lang sa mo diha kay mag-inventory pa mi. Hinuon gamay ray motuo ning maong rason sa atong mayor. Tungod kay ang iyang gipamawian og sakyanan kaalyado man sa iyang kontra sa politika. Alang sa kadaghanan ang inventory usa lamang ka alibi sa iyang pagpanimawos sa mga wala mo suporta kaniya. Daw usa kini ka panudya.

Ug dili lang ambulansya ang iyang gipang “inventory.” Ang mga armas sa atong kapulisan nga gi-issue sa dakbayan iyang sang bawion. Ato na lang pahidhirag lana sa ungo ning atong mga pulis para matipsingan lang sila kon pusilon sila sa mga kriminal kay wa naman unya silay pusil nga ikasinukliay og bala batok sa dautang elemento ning atong katilingban. Unsaon nga ang ilang hinagiban tua pa man sa inventory.

Matud pas mga karaan ang may kinaiya nga kusog kaayo mohatag-bawi og mga butang malagmit hubagan sa lubot. Hinuon murag dili na mahadluk ang atong mayor niani kay duna naman siyay hubag sa tiyan.

Kining taras sa atong mayor daw susama ra sa mga bag-ong terorista nga nang hasi karong sa tibuok kalibutan. Na linya ra ang taras sa atong mayor sa beterano sa America nga namusil og pulis kay naglagot siya sa gihimong pagpatay niani sa mga tawo nga itom og panit, sa batan-ong lalake sa Germany nga nang rakrak sa mall tungod kay usa siya ka biktima sa bullying.

Ang iyang kadaugan sa bag-o lang milabay nga piniliay daw dili igo nga mohapuhap sa hapdus nga iyang gibati sa iyang kapildihan niadtong eleksyon sa 2013. Wa ra bay angay nga basulon niadtong iyang kapildihan kon dili ang iyang kaugalingon. Kay imbis mangampanya siyag kusog niadto, nagpunay naman lang siyag pangaway. Nakat-on siya ug sa milabay lang nga eleksyon maayo na niya pagkada ang iyang kampanya og nabawi niya ang iyang lingkuranan.

Apan imbis nga gamiton niya ang iyang pagbalik sa poder isip usa ka pagsaulog sa kaayuhan, nagpunay naman lang hinuon siyag panghasi ug panudya.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

TAGS: Cebu, Cebu City, Cebu City Mayor Tomas Osmeña, Inventory, mayor Tomas Osmeña, Michael Rama, Tommy Osmeña

We use cookies to ensure you get the best experience on our website. By continuing, you are agreeing to our use of cookies. To find out more, please click this link.