Ania ang Beatles sa ilang “Drive My Car:”
“Asked a girl what she wanted to be / She said baby, can’t you see / I want to be famous, a star on the screen / But you can do something in between / Baby you can drive my car / Yes I’m gonna be a star // Baby you can drive my car / And maybe I’ll love you.”
Niadtong dekada 80 makit-an mo ang mga sticker sa jeepney nga duna ning maong mga pulong: “Barya lang po sa umaga,” “God knows HUDAS not pay” ug “Basta driver sweet lover.” Ang kining maong slogan usa lamang sa mga anthropological evidence sa romantic mythology kabahin sa driver. Matud pa segunda lang ang driver sa pulis sa padaghanay og hinigugma.
Dunay macho image ang mga trucker sa America nga modalag 10 wheelers nga mosud-gawas sa lainlaing mga estado sa maong lugar. Nahimo usab nga mga icon ang mga race car driver. Ang mga Hollywood stars nga sila ni James Dean ug Paul Walker nga nangamatay sa aksidente sa ilang sports car karon nangahimo nang immortal sa pop culture.
“I told a girl that my prospects were good / And she said baby, it’s understood / Working for peanuts is all very fine / But I can show you a better time.”
Lawom na ang duot sa imahin sa driver diri sa atong nasud. Tungod sa iyang pagdala sa papel sa usa ka jeepney driver, gigamit ni Joseph Estrada ang concept nga “Jeep ni Erap” sa iyang pangampanya niadto. Ang iyang JEEP usa ka acronym sa “justice, economy, environment and peace.”
Samtang sa ato ang mga habalhabal driver maoy kasagarang makapangasawa sa mga maestra nga ma-assign sa bukid.
“Baby you can drive my car / Yes I’m gonna be a star / Baby you can drive my car / And maybe I’ll love you // Beep beep’m beep beep yeah / Baby you can drive my car / Yes I’m gonna be a star / Baby you can drive my car / And maybe I’ll love you.”
Samtang daghan na ang mga taxi driver ang miingong nakapanghilawas na silag mga Koreana. Sila man guy makahatud niani kon mangahubog na. Ug matud pas akong nakaistorya, mao kuno kini silay manguna.
Tungod kay dunay mga driver nga kinahanglang magmanihug taxi sulod sa 24 oras, duna kanilay mogamit og druga pawas duka.
Si<e Digong sa iyang bahin, momaniho og taxi nga panggabii niadtong mayor pa siya sa Davao. Gihimo kuno niya kini para pagsuta sa kalihukan sa ilang dakbayan sa panahon sa kangitngit.
“I told a girl I can start right away / And she said listen babe I got something to say / I got no car and it’s breaking my heart / But I’ve found a driver and that’s a start.”
Tungod tingali kay isalig mo man ang imong schedule ug kinabuhi sa gadalas manubila matag biyahi mao nga daghang babae ang mabihag sa usa ka driver.
Ug kon tinuod ang gipanulti ni Digong, apil na si Senadora Leila de Lima kanila. Nagkanayon ang presidente nga uyab ni De Lima ang iyang driver ug nga mangulikta kinig kwarta sa mga shabu lords sa prisuhan.
Misugyot si Digong nga may purohan nga ang maong gikuliktang salapi nagamit ni De Lima sa iyang kampanya.