Do you still love the news?

By: Gerard Pareja November 13,2016 - 08:45 PM

Sa 100 ka nag-unang matalaan sa US, duha ra ang ni-endorse sa Republican presidential candidate nga si Donald Trump.

Ug kon tipunon ang tanang mga mantalaan sa USA nga nihatag og endorsement, matud pa sa bbc.com, 200 ka buok ang ni-endorse sa Democrat presidential candidate nga si Hillary Clinton ug wala kaabot og 20 ang niduso sa kandidatura ni Trump.

Sa unang higayon sulod sa 148 ka tuig, karon pang tuiga ni-endorse og Democrat candidate ang San Diego Union Tribune.

Ug ingon man ang Detroit News nga karon pa nibali sulod sa 143 ka tuig. Samtang ang 126 na ka tuig nga pro-Republican nga The Arizona Republic nitambling pagka Democrat kay wa silay gusto ni Trump.

Sa laktud nga pagkayawyaw, ang mga mantalaan sa USA pro-Clinton.

Kon mahinumduman nato ang eleksyon sa atoa, wala say mantalaan nga nitaho nga record breaking na ang attendance sa mga rally ni Duterte. Sa Facebook mo na lang makit-an ang makalilisang nga panon nga modumog sa atong kandidato.

Ug sama sa nahitabo sa kampanya ni Digong, walay impact sa kandidatura ni Trump ang mga matalaan.

Ang mga publication nga nilaban kang Trump wala kaayo ganahi sa kandidato apan alang kanila, ang iyang kadaugan mosikad batok sa mga grupo nga wa nila maoyuni sama sa giingon nilang pundits, insiders and “righteous mongers” o sa ato pa mga left-leaning progressive.

Gi-quote sa BBC ang usa ka pro-Clinton nga professor nga si Jeff Jarvis sa Tow Knight Centre of Entrepreneurial Journalism nga niingon: “The mere fact of Donald Trump’s candidacy is evidence of the failure of journalism.”

Apan sigun ning sinulat sa BBC, dili ang social media maoy bugtong hinungdan sa pagsaka ni Trump. Daku usab ang nahimo sa TV sa iyang pagdaug. Daku kaayo og gigahin nga air time kaniya ang CNN ug ang ubang network. Dili nila maputol ang iyang interview kay dili man matag-an kon kanus-a siya mosultig kontrobersyal nga mga punto. Ug gawas tag-as kaayo ang ilang rating kon siya maoy isibya. Ug sayod kita nga ang kinabuhi sa TV gaagad sa ratings. Bahala nag out of topic o out of order si Trump, ang tanang gipangyawyaw niani ilang himuong balita.

Ug tuod man, nausab na ang balor sa balita. Mikunhud na kini ngadto sa entertainment. Nahinumdom ko niadtong nagtan-aw kog update sa usa ka katalagman dihang nakuratan ko kay ni-flash lag kalit ang “latest” kabahin sa usa ka local nga love team.

Tungod sa pagpanapi sa traditional media, nawad-an silag gahum sa pagpasabot sa ilang manan-away sa gibug-aton sa kahimtang nga ilang gisibya.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

TAGS: Clinton, controversial, Democrat, Donald Trump, Hillary Clinton, Left, media, progressive, Republican, right, san diego union tribune, Trump, United States of America, USA
Your subscription could not be saved. Please try again.
Your subscription has been successful.

Subscribe to our regional newsletter

By providing an email address. I agree to the Terms of Use and acknowledge that I have read the Privacy Policy.

We use cookies to ensure you get the best experience on our website. By continuing, you are agreeing to our use of cookies. To find out more, please click this link.