Do you Robust?

By: Gerard Pareja July 02,2017 - 09:32 PM

Gerard Pareja

 

Ang unang nabantayan sa akong igsuon sa delayed telecast sa Pacman vs Horn nga Battle of Brisbane mao ang repositioning sa promotion sa “Robust.” Di ba kuno ni mao ang over the counter sexual performance enhancer? Di ba kuno kini maka high blood? Nangutkut kos akong bagulbagul ug nakaingog –bitaw no.

With pun intended, basig gikinahanglan ni Pacquiao ang Robust to outscore horny Horn. Apan wala makapanungay ang atong pambansang kamao kay sigue kining gi-headlock sa Australian. Daw siguing gipahingus sa ilok sa kontra. Medyo naguba ang nawong ni Horn pero basig nihinay na ang kusog sa kumo ni Pacman kay di naman kini niya mawingig.

Ang akong amigong doctor nga kombinsido nga lutong macaw kadtong away ni Pacquiao ug Mayweather gatuo nga ususama ang nahitabo sa Brisbane. Miingon siya nga taphaw ra kaayo ang rason ni Pacquiao nga gisip-on siya pagabot niya sa Australia ug nga mao tingali kini ang hinungdan kon nganong subpar ang iyang performance. Pero kon balikan ta ang Robust nga niadto gi-market isip sexual performance enhancer, dili ba nga kining mga klasiha sa “tambal” duna may mga side effects sama sa palpitation ug nasal congestion o ka ping-ot sa ilong? Basig side effect sa maong energy capsul/tablet ang gibati niyang “colds.”

Pero puros ra panghap kining atong hinangaw diri ug wala kitay basihanan para moingon nga ang maong tambala ang nakapaping-ot sa ilong ni Pacman nga maoy nagdala niya sa kapildihan.

Ang problema sa boxing nga magdaug binasihan lang ang score cards mao nga tag-sa ra kaayo kini makakombinser sa tanan tali sa kadaugan sa usa ka fighter batok sa iyang kontra. Daghan ang midapig ni Pacquiao, labi na kadtong mokwinta sa mga kumo nga milanding ngadto sa lawas sa kontra.

Ang kampo ni Pacquiao wa mauyon sa referee nga way nahimo sa pagpaundang sa mga head-butting ug paniko nga gihimo ni Horn.

Ug kon ingnon tang way lutong macaw nga nahimo, kombinasyon ning maong mga factor ang hinungdan sa kapildihan ni Pacman: 1. Lig-on ug dunay maayong kondisyon si Horn ning maong sangka; 2. Isip home town boy medyo ma partial g’yud kaniya ang mga hurado; 3. Medyo tanga ( o gadinanghag lang) ang referee; 4. Medyo mihinay na g’yud og gamay si Pacquiao.

Kamo na lay bahala kon i-factor in ba ninyo ang Robust. Kay kon iapil ninyo basig may moingon nga pildihon diay sa Rhino Horn ang Robust.

Subscribe to our regional newsletter

By providing an email address. I agree to the Terms of Use and acknowledge that I have read the Privacy Policy.
Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

TAGS: boxing, Brisbane, Horn, Pacman

Subscribe to our regional newsletter

By providing an email address. I agree to the Terms of Use and
acknowledge that I have read the Privacy Policy.

We use cookies to ensure you get the best experience on our website. By continuing, you are agreeing to our use of cookies. To find out more, please click this link.