Gerard Pareja
Nyor Daku (ND): Diin man ka Nyor? Wa man ka mosipot sa atong sabot adtong Domingo.
Nyor Gamay (NG): Nikaon kog lumpia, Nyor.
ND: Ha? Tibuok adlaw kang nag-usap og lumpia?
NG: Traffic man gud, Nyor.
ND: Na traffic ang lumpia sa imong tutunlan?
NG: Ayaw gud pagsigig inamaw, Nyor.
ND: Klaruhag tubag. Kahibaw baya kong di ko bright.
NG: Wa nay pilosopo pa nimo, Nyor. Traffic paingon ug pabalik gikas Opon. Niadto ko kay mitilaw kos lumpia sa
karenderia nga gihinganlag – Kaun Ta Senyang.
ND: Ingun ana g’yud ka lami nga gihaguan g’yud nimog adto?
NG: Lami ra man, Nyor. Pero kadto siguroy pinaka bus-og nga mga lumpia nga akong nakaon.
ND: Diin man sad ka kuhag info kabahin sa maong lumpia?
NG: Wa diay ka kitas Facebook, Nyor?
ND: Unsa man diay milugwa sa imong Facebook?
NG: Hulagway ni Maria Ozawa, Nyor, nga didto sa maong kan-anan. Ug misuwat pa g’yud siyag “thank you for the good food.”
ND: Aguroy! porno lang gihapon. Ngano man giayog paak ni Maria ang lumpia sa hulagway nga migawas sa Facebook?
NG: Saba diha uy! Di kuno motan-aw og porn? Di kuno ka ganahan ni Maria Ozawa? Ni retire na hinuon siya sa maong industriya.
ND: Aw hinuon kon mamana nakos Maria Ozawa, nganong di man. Sapian na kaayo na siya. Hitsuraan ug eksperto sa pakig hilawas. Unya kon naa moy mga bata dakog purohan nga mayo usab kini silag panagway. Ug wa kay problema pag pa eskwela nila kay sapian man ang ilang inahan. Pero…
NG: Yawerds, naa pay pero.
ND: Di man g’yud perfect ang kalibutan, Nyor. Unya wa sad gyu’y perfect nga binuhat. Wa ta kahibaw sa iyang batasan. Basig nagger kani siya. O di ba hinuon bossy kaayo nga magsigig mandar. O ba kaha sadista kini ug nga inig pakighilawas ninyo tusloktuslokon imong lubot og ice pick.
NG: Wa na gyu’y laing hanggaw pa nimo, Nyor!
ND: Kahibawo baya ka anang kalibutan sa Japanese porno, Nyor, nga daghan kaayo na silag kalaki, daghan kaayog tripping. Naay gapusgapus naay bitaybitay. Ikaw, Nyor, andam kag tagana nga modala kang Maria ngadto sa altar sa kaminyuon?
NG: Nganong di gud, Nyor. Apan naa naman siyay Jose.
ND: Ha? Naa nay Jose si Maria?
NG: O, Nyor usa ka mestizo-Katsila nga chef nga dunay sportsbar sa Parañaque, si Jose Sarasola.
ND: Na, ay kog ingna nga moadto sad ka didto para moinum sa cuervo ni Jose?
NG: Wa g’yud tawon tay istoryang tarong makab-ot nimo, Nyor.