Lust in the time of electronic visual recorders

Gerard Pareja

Unsa may latest sa burned car in Carcar? Hapit kada tulo ka oras dunay bag-ong angle nga mobutho tali sa gisunog nga sakyanan. So far, nahibawoan nga usa ka sarhinto sa Philippine Air Force ang gisunog sulod sa iyang sakyanan.

Nasayran usab nga sa Talisay gikan ang maong sarhinto ug ang mga gituohang mipatay-sunog kaniya.

Minyo ang maong sarhinto ug nanimuyo ini sa Pajo, Lapulapu city.

Ang gikatahapang mastermind sa maong krimen mao ang inahan sa iyang kabit nga karon at large pa.

At large usab ang giingong accomplice niini nga gituohang usa ka sakop sa kumunistang NPA nga taga Guihulngan, Negros Oriental.

Ang nasikop sa kapulisan mao ang kabit sa sarhinto, ang uyab sa kabit ug uban pa nilang kauban sa krimen.

Giingong nagka relasyon ang sarhinto ug ang iyang kabit human masakop sa sarhinto ang maong babaye sa iyang networking business.

Ang motibo?

Duha karon ang gituki sa mga imbistigador.

Ang usa nasuko ang inahan sa kabit dihang gisigihan siyag paningil sa sarhinto sa iyang utang nga 50K.

Ang lain mao nga nasuko ang inahan dihang giingong mihulga ang sarhinto nga iyang i-sibya sa internet ang sex video tali kaniya ug sa iyang kabit kon dili kini makigbalik kaniya.

Ihulog unta kuno sa mga akusado ang sarhinto sulod sa nagdilaab niani nga sakyanan sa usa ka pangpang sa Valencia, dakbayan sa Carcar apan daw may nagbabag nga nakasangit niani.

Nailhan ang mga suspitsado tungod sa CCTV sa Gaisano Grand Mall nga mi-record sap ag agi sa gisunog nga sakyanan ug sa getaway car sa mga suspitsado.

Kahibawo ko daghan ang gapnikad nga makakita sa giingong sex video, mi exist man kini o wala.

Kon pananglitan tinuod ang maong sex video nga maoy hinungdan sa krimen, daw angay ra usab nga usa ka video (gikan s aka CCTV) ang nakatabang pagsulbad niani.
* * *
Unsa usab kahay motibo sa kapulisan nga imbis body camera maoy paliton para makita sa tanan nga walay inamaw nga nahitabo sa ilang kampanya kontra druga, mga iro naman hinuon nga nagkantidad og 545,000 kada usa maoy ilang gisiguro.

Ug nga 48 kabuok ang ilang gipalit.

Mipasabot si Bato dela Rosa, ang pangulo sa PNP, nga apil na sa maong prisyo ang training ug pagkaon sa iro sulod sa 15 ka tuig.

Nagkanayon usab si Bato nga makasanta kuno sa bombing nga himuon sa mga terrorista sama sa ISIS ang iro kay sa body cam.

Murag daghan ang di kaayo sold niani.

Kay kon simbakog ang masimhutan sa iro nga bomba na ana sa lugar nga daghang tao.

Unsay himuon sa iro? Ihian niya ang bomba nga iyang masimhutan?

Walay iro nga makapugong niadtong pagataki sa mga Maute sa Marawi.

Ang gikinihanglan sa police ug military karon dili iro kon dili ang pag improve sa ilang intelligence network.

Dili kay mopatay lag batan-on tungod kay may nabasahan sila sa facebook nga pusher kini.

Ang body cam bisag dili mamahit, makatabang kini sap ag kombinsir sa mga tao nga gitanarong sila sa lang buhat.