Gerard Pareja
Usa sa mga imahin ni Kristo mao ang pagka rebulosyunario.
Rebulosyunario siya sa gawas sa iyang pakigbisog batok sa mga Romano nga mipatigbabaw sa mga Hudiyo nga sama kaniya.
Rebulosyunaryo siya sa sulod kay iya mang gi kwistyon ang pamaagi ug pamalaud sa mga parisiyo, mga pamalaud nga lang kaniya dili.
Rebulosyunario usab siya sa ingon nga di susama sa ubang magtutudlo gipalabi niya ang kaluoy kay sa pagkastigo.
Rebulosyunario siya sa ispirituhanong bahin kay gihatag ang iyang kinabuhi para ma mahigmata ug maluwas ang uban.
May niingon nga sa wala pa ang Kristianismo walay mohatag sa ilang kinabuhi para moluwas sa uban kay lagi ang pag protihir sa kaugalingon mao may unang instinct sa tao.
Daghan hinuon ang molalis niini kay concept sa hero diha naman sa mga Grego sa wa pa si Kristo.
Daghan sa mga madasigong batan-on ang nangandoy nga ma rebulosyunario.
Pero gamay ra kanila ang mulahutay.
Ang uban kanila madani sa gahum ug mahinong mga bureaucrat.
Ang kasagaran matintal sa pagpuyo sa panimalay nga haruhay diin minus ang stress.
Kon nakakita kas The Last Temptation of Christ, ang katapusang baraha sa yawa nga dariyut ma dani si Kristo mao nga imbis mag palansang siya sa krus mouli na lang siya, maminyo, magtiner ug mga anak, magbhi og mga karniro ug mag-uma. Dariyut matintal si Kristo apan mipadayon siyag palansang.
Kining tanan misulod sa akong hunahuna dihang nabasahan ko sa fb ang mga pipila ko ka batan-ong kaila ka misulat pagdapig sa ilang schoolmate nga nadakpan sa military dihang may us aka operation batok sa New People’s Army (NPA) sa Negros.
Dunay miingon nga halangdon ang gibuhat sa ilang amiga nga imbis mangitag trabahong maayo miadto siya sa mga nagkalisud para motanbang kanila.
Duna say uban nga moinsistir nga dili siya sakop sa maong mga rebelled ug nga gimmick lang kining tanan sa military.
Mosabot kos ilang pagdapig sa ilang higala.
Apan ang kasagaran sa mga tao mang yamiid kanila.
Tungod kini kay ang mga walhon u gang mga NPA mas daku magnahimong kadaut sa katilingban kay sa natabang.
Pang ambush ra og pangulikatg buhis ang kanunay natong madunggan kabahin nila.
Ug kon mahinumduman dunay magtiayon nga leader sa NPA nga nadalpan sa Carcar nga nagbuhi og mga imported nga iro.
Kining maong mga magtiayon na dani sa tintal sa haruhay nga panimalay.
Manghinaot lang kita nga kining mga batan-ong nakigbisog sa kaangayan dili mointra og mga kalihukan nga daghan ang masakitan o mamatay.
Ug nga sa ilang pagpadayon dili sa matintal sa haylo sa haruhay nga pagkabutang ug nga andam silag mopalansang sa ilang krus.