Gerard Pareja
Kinsa may mga tao nga dunay bulletproof vehicles? Mga tao nga sama ni Wellington Lim, nga giingong target sa ambush niadtong miaging semana.
Unsa mang klasehas mga tao ang magtiner og sakyanan nga di malapsag bala?
Natural, kadtong binuhat nga gatuo nga may mopusil kaniya.
Kinsa man say buot mopusil ning dunay bulletproof cars? Kon praning sila pweding imaginary beings. Kon criminal sila posibling police ang buot mo tipi kanila. Kon bigaon sila mahimong ang ilang ka love triangle ang gusto mo patay kanila.
Kon negosyante sila dakog purohan nga gidumtan silas naligsan nilas transaksyon. Sa laktud nga pagkasulti kinahanglan nga duna kay kontra para ka mag tripping og bulletproof nga sakyanan.
Ug kinahanglang sapian sab ka kay mahal baya ning pa kublan sa awto.
Diha na bay bulletproof nga sakyanan si Wellington sa dili pa president si Duterte? Diha ba siya nag pa bullet proof niangdtong tuig nga gipamibistigar siya ug ang iyang igsuon nga si Peter ni Congressman Cuenco kabahin sa posibling kalambigitan nila sa negosyo sa drugas. O di ba kaha niadtong gipamatay ang mga testigo nga mibutyag sa mga giingon nilang kalihukan.
Bisan pa man og dihay gwardya nga namatay (ug laing na igo usab) ug duha ka langyaw nga nasamdan, daghan sa social media ang gatuo nga drama o moromoro lang kuno ang maong hitabo.
Ang mga pro Duterte miingon nga nangita lag simpatiya sa public ang mga Lim.
Ang mga kontra Duterte miingon nga ni apil ang kagamhanan ni Digong ning maong drama.
Dili kuno makapapatay si Digong sa mga Lim kay iya kining kumpare ug nga kasusyo kini sa iyang anak nga vice mayor karon sa Davao city.
Mao nga para di ma dismaya ang mga anti-drug follower ni Digong, giparakrakan lang ang bulletproof nga sakyanan ni Wellington.
Kon kursunada pa gyud kuno ang gusto mokuha ni Wellington nganong wa man kini mag Operation Parajinog sa Infinity (ang club sa mga Lim duol sa Ayala).
Ug kon police ang nagpaluyo ning maong giingong ambush, siyaro wa gyud sila mahibawo nga bulletproof ang sakyananan ni Wellington.
Wa na lang gyud sila makadag grenade launcher o bisag Molotov cocktail na lang. Diha na gud silay armalite.
Dili man ko dali mopalit og conspiracy theories pero murag motuo ko nga dili maayong pagkabuhat kining maong ambush.
Posibling mga isug lang apan dili suhito ug dili praktisado kadtong mi strafing sa sakyanan ug sa palibot sa Infinity.
Posibli sad ang bali niani, nga suhito sila nga ilang gisiguro nga sa ilang pagrakrak dili gyud maigo si Wellington.
Swertihon lang gyud tingali ning mga Lim sa Infinity.
O tingali tinuod ang masamang damo syndrome.