Gerard Pareja
Gatuo ko nga dili uyon si Tomas sa idea sa road widening maong gahimo siyag mga tunnel, flyover ug ingon man ang paghimo sa SRP.
Di man gud kaayo ganahag road widening ang mga politico kay daghan nga mga balay, trabahuan ug opisina ang ma guba tungod niini ug nga mahiubos gyud ang hintungdan. Labi na kon butante mo kining maong mga molupyo daplin sa dalan, na, buybuyon kag binaboy ning mga tawhana.
Apan na sayop diay ako. Kay matud pa ni Tomas ang mga road widening nga iyang nahimo naglakip sa Escario St., V. Rama Ave., N. Bacalso Ave., P. Del Rosario St., A.S. Fortuna St., M.J. Cuenco Ave., Banilad road u gang and Salvador/Duterte St.
Apan bisan pa man niini traffic lang gihapon. Nagkanayon si Tomas nga usa ka efficient o maayong systima sap ag gamit sa dalan maoy solusyon sa traffic sama sa paghimo og Bus Rapid Transit (BRT).
Kon mag malampuson ang BRT gamay na lang unyay magdag sakyanan kay mas barato man ug mas dali alang sa mga tawo amg maong pamaagi.
Apan kontra ang BRT sa kontra ni Tomas nga si Michael Dino.
Kay alang sa campo ni Dino mag agi lang gihapon ang maong mga bus sa atong mga gagmay nga kalsada ug nga sa ingon, traffic lang gihapon.
Ang sugyot ni Dino mao ang Light Rail Transit diin ang sakyanan (train nga gasubay sa iyang kaugalingong relis) dili na mag agi sa atong kadalanan.
Karon ga akusahay ang duha ka campo nga pangwarta ra maoy giapas sa ilang mga piniling proyikto.
Hain maayog ato na lang himuon ang duha para way mahay.
Ang BRT paras sulod sa dakbayan ug ang LRT atong padaganon gikas Carcar paingos Danao.
Samtang wala pa ang BRT maimplimintar ang laing kontra ni Tomas nga mao ang SM daw duna nay maayo og epiktibo Bus system.
Ang ilang libre nga biyahi gikan sa Fuente Paingon sa Seaside dakog natabang sa mga commuters.
Ko wa ko masayop, gibuhat kinis SM para pagdani sa mga taga Gaudalupe ug taga Lahg para mangadto sa Seaside.
Apan ang naka pahimos niani mao man ang taga Talisay nga adto mo change ride sa Seaside.
Tinuod ang mga dakbayan sa gawas sama sa London, New York ug Tokyo dunay maayo nga public transportation system apan duna say mga lugar sama sa Florida, pananglitan, nga kuwang kaayo ang public transportation.
Matud pas kaila nakong Kano: A good thing here in the Philippines is that you can always get from point A to point B, whether via banca, habalhabal or a carabao’s cart.
In America there are places you just can’t reach.