Photo courtesy to CPPO
Cebu City, Philippines — Wala nakapadayon sa iyang plano sa pag simba si Lerio Delio human ma dakpi sa kapulisan didto sa dakbayan sa Danao, Cebu sa Lunes sa udto, Marso 4, 2019.
Si Delio, 34, taga Sitio Bangkal sakop sa Barangay Ibabao, lungsod sa Cordova, Cebu, na dakpan sa hiniusa nga operasyon sa kapulisan sa lungsod sa Cordova, gipanguluhan ni Kapitan Jeffrey Diaz Jr., hepe sa lungsod sa Cordova, ug Colonel Maribel Getigan, hepe sa dakbayan sa Danao.
Bitbit ang warrant of arrest nga gi issue ni Hon Judge Mark Joseph Quirante sa branch 55 sa Regional Trial Court (RTC) sa dakbayan sa Mandue, gi dakop sa kapulisan si Delio tungod sa kasong pagpatay.
Si Delio nag atubang ug kasong murder sa milabay nga tuig ug mi sibat sa lugar kung diin nya nabuhat ang krimen ug didto sa Dakbayan sa Danao mitago.
Walay piyansa ang kaso nga giatubang ni Belio, kinsa, matod sa kapulisan, mopa ingon unta sa simbahan bago siya nadakpan.
Nihapit una si Delio sa isa ka tindahan bago siya musimba ug nakugan nalang kini pagka kita na anaa ang mga pulis sa iyang likod.
Aminado ang dinakpan nga siya ang tao ang gipangita nga naka sulat nga pangalan sa warrant of arrest.
Wala na mo tingog ang dinakpan dihang gisuwayan sa pag kuha sa iyang habig, hinoon iyang gi angkon sa kapulisan nga nag dakop kaniya nga mi layas siya ug mitago sa dakbayan sa Danao human gibati ug kahadlok sa pamilya sa iyang napatay nga manimalos kaniya. /bmjo