Mga residente sa Villagonzalo 2, Barangay Tejero, Cebu City nga naka lingkawas sa sunog sa gabii sa Myerkules, Marso 6, 2019.| CDND Photo/Benjie Talisic
CEBU CITY, Philippines — Ang napasagdahan nga radyo nga naka pansak sa saksakan sa koryente maoy hinungdan sa pag ulbo sa kalayo sa Villagonzalo 1, Barangay Tejero, syudad sa Sugbu karong gabii, Marso 6, nga ning ugdaw ug upat ka panimalay.
Si Fire Chief Inspector Noel Nelson Ababon, Cebu City Fire Marshall sa Sugbu, ning butyag sa pakig hinabi sa mga sakop sa media nga nadawat ang maong alarma alas 6:04 karong gabii. Ug gi saka sa 2nd alarm human sa pito ka minutos ug gisaka pag usab ngadto na sa third alarm pagka alas 6:18 karong gabii.
Matud pa ni Ababon, nag sugod ang pag ulbo sa kalayo didto sa panimalay ni Christopher Cirijano, 55 ang edad, ug molopyo sa maong dapit.
Mokabat sa upat ka balay ang na ugdaw samtang duha niini ang napagan atol sa pag ulbo sa kalayo.
Mo abot sa 200 mil ka pesos ang danyos sa pag ulbo sa maong sunog.
Dugang pa ni Ababon, nahinabi niini ang tag iya sa maong panimalay diin mi angkon kaniya nga didto nag sugod sa kwarto kon diin naka saksak nalang sige ang usa ka AM/FM radio set.
Alas 6:52 sa gabii gi hulagway nga kontrolado na nila ang maong kalayo ug tiwason nalang ang pag overhaul aron pag siguro nga di na mamahimong peligro sa nanimuyo. Gi deklara nga fire out alas 7:33 karon lang gihapon sa gabii. Walay gi ka report nga na anggol or napagan sa maong sunog. /elb