Ang usa ka bahin sa nasunog nga balay sa Sitio Lacros, Barangay Labangon, Cebu City sa kaadlawon sa Huwebes, Marso 14, 2019. Kapin sa 20 ka kabalayan ang naugdaw sa maong sunog nga ningkutlo usab sa kinabuhi sa usa sa nga lumulopyo nga si Mario Abella. |CDN Digital photo/Morexette Marie B. Erram
CEBU CITY, Philippines — Usa ka pulis nga sakop sa Presinto 3 o sa Waterfront Police ang na apil nga na sunogan sa pag ulbo sa kalayo ganinang kadlawon sa Barangay Labangon ning siyudad sa Sugbu.
Gi butyag ni Senior Inspector Joemar Pomarejos nga hepe sa Waterfront Police nga usa sa iyang sakop, si P01 Marlito Portoguesa, ang apil sa na sunogan didto sa Barangay Labangon.
Matud pa ni Pomarejos sa CDN Digital nga na hibawo siya nianang buntag na pag mata gyud niya human kini gipahibalo kalabot na sa nadangatan sa iyang sakop sayo sa kadlawon.
Ang mga kaubanan ni Po1 Portoguesa sa Presinto 3 mi himo na ug inisyatiba sa pag hatag ug pasiuna nga mga hinabang sa ilang kauban nga na biktima sa sunog.
Si Portoguesa nga nahinabi sa CDN Digital nagkanayon nga na ugdaw gyud tanang butang sa iyan gi abangan nga kuwarto sa balay ni Mario Abella sa dihang mikaylap na ang maong kalayo sanglit nga wala man siya sa maong insidente.
Matud pa ni Portoguesa nga nag duty siya niadtong panahona ug dili makabiya kay duna sila’y dinakpan ug dunay gi apas nga trabaho nga gikinahanglan dayon atimanon. Igo na lang matud pa kini gi tawagan nga na sunog na ang ilang gipuy-an.
Ang maong 30 anyos nga pulis nasayran nga nag abang ug binuwan sa panimalay ni Abella kon asa nag gikan ang sunog. Si Abella nakalas ang kinabuhi sa maong sunog nga ning ugdaw sa iyang panimalay ug sa 19 pa ka laing kabalayan.
Dako usab ang pasalamat ni Portoguesa nga maayo na lang nga wala niya gi butang ang uniporme sa iyang gi abangan ingon man ang iyang mga papeles tungod kay mas dako nga problema ang iyang hunahunaon kon na apil man gali.
Si Portoguesa, nga lumulopyo sa bukirang Barangay Busay sa siyudad sa Sugbu, gi tagaan una ug pila ka adlaw nga bakasyon aron nga ma asikaso kon unsay angayan nga iyang lihokon./elb