Human hinganli ni P-Noy ang kagamhanan sa China og Hitler, Si Hillary Clinton na usab karon ang migamit sa ngalang Hitler.
Dili China maoy gikumparar ni Hillary Clinton sa makalilisang nga pangulo sa Nazi Germany. Ang gikumparar niya mao ang mga tactic ni Hitler ug ang mga katarungan karon sa pangulo sa Russia nga si Vladimir Putin ug kon nganong misulod ang troop sa Russia sa border sa nasud sa Ukraine .
Ang kanhi US First Lady Hillary Clinton (asawa ni kanhi US President Bill Clinton), nga nahimong senador para sa New York, nahimong secretay of state sa first term ni Obama, gihugonhugon na usab karon nga maoy mahimong presidential candidate para sa Democratic party. Sa unang pagsuway ni Hillary Clinton pagkuha ning maong posisyon gipildi siya ni Barack Obama.
Mao nga ang pagbutang niya sa ngan ni Adolf Hitler tupad sa ngan ni Putin gitawag sa mga tigpanahum sa North America nga politically motivated. Buot kuno nga ipakita ni Hillary Clinton nga mahimo siyang kusgan ug bangis nga presidente sa US kon siya maoy pili-on.
Apan dali kini gibawi sa kanhi first lady dihang miingon siya nga “there is no indication that Putin is as irrational (as Hitler).”
Miingon man gud si Mrs. Clinton ang katarungan karon ni Putin sa iyang pagsulod sa Ukraine para pag protektar sa mga Russian nga namuyo didto ug ingon man sa Russian interests sa maong lugar susama sa giingon ni Hitler niadto sa iyang pagsulod sa Czechoslovakia ug Romania. Nagkanayon man gud kuno si Hitler niadto nga ang mga ethnic Germans nga nanimuyo ning maong mga nasud gi daug-daug ug nga angay silang panalipdan pinaagi sa pagkuha ning maong mga nasud.
Nagkanayon si Hillary Clinton nga kulba kining gihimo karon ni Putin apan matud pas opinion makers sa CNN mas kuyaw kining gipanglitok sa kanhi senador kay daw nangita kinig bikil.
Si Hitler usa ka negative icon gikan sa 30s. Niadtong 60s sa panahon sa hippies dihay usa ka gitarista nga nahimong icon. Siya mao si Eric Clapton. Nahimong legendary kadtong graffiti kabahin niya sa England nga nagkanayon nga “Clapton is God.”
Nakahisgut ako ning maong graffiti kay daw gitubag man gud ni karon og graffiti (usa ka drawing) nga gihimong superhero si Pope Francis. So ang “Clapton is God” gitubag na karon og “The Pope is Superman.” Gipapas na kuno karon ang maong graffiti apan naguol ang Santo Papa niani nga gihimo siyang superhero kay tao lang kuno siya nga mohilak ug mokatawa sama sa tanan.
Usa sa wa niya ganahi nga sugilanon nga nagkanayon nga mogawas siya sa Vtican matag gabii para mopakaon sa mga tao nga naa lang matulog sa kadalanan.
Sa gusto niya o dili nahimo na usab nga icon si Pope Francis.