Si Butchie Estenzo, usa ka miyembro sa grupo sa mga mag-uuma sa Catmon, ug iyang sukang pinakurat. CDN Digital photo | Rosalie Abatayo
Cebu City, Philippines—Lami man diay makuratan! Labaw na kung tungod sa sukang pinakurat gikan sa lungsod sa Catmon, amihanang Sugbo.
Matud ni Butchie Estenzo, usa ka miyembro sa grupo sa mga mag-uuma sa Catmon, ginama ang ilang pinakurat sa suka gikan sa lubi nga mas gipalami sa siling kulikot ug sa luy-ang bisaya nga mas nakapahumot niini.
Ang lamian nga suka mas molami kung parisan ug buwad nga nocus gikan pa sa siyudad sa General Santos sa Mindanao.
Buwad nga nocus. CDN Digital photo | Rosalie Abatayo
Ang sukang pinakurat sa Catmon ug ang buwad gikan sa Gensan mapalit sa Agri-Fishery Trade Fair ining maong kantidad:
Suka lapad (375 ml) – P80
Suka long neck (750 ml)- P180
Buwad nocus (small) – P700/kilo
Buwad nocus (big) – P600/kilo
Ang Agri-Fishery Trade Fair ipahigayon sa Cebu Provincial Capitol grounds hangtod karong Biyernes, Disyembre 20, 2019. /bmjo