Ampalaya for breakfast, why not?!
Para sa mga bitter kay bago lang gibuwagan ug gipulihan dayun, na hala maypag mag tablaw mog kaon og ampalaya.
Sa merkado sa Carbon tag P70 ra kada kilo unya kon gusto kag hiniwa na daan aron deretso na pag gisa unya itlogan, makapalit ka ani sa P90 kada kilo.
Di ni makapasamot sa imong bitterness oy!
Matud pa sa healthline.com, ang ampalaya labing daghan sa vitamin C nga importanteng micronutrient nga makatabang sa bone formation, pag prevent sa mga lain-laing sakit ug pag-ayo sa mga samad sa atong kalawasan (sama anang samad sa imong dughan kay mibiya siya).
Og di pagyud ka kumbinsido, pwes, dapat kang makahibalo nga ang ampalaya makatabang sa imong “diet” tungod kay low in calories man kini apan high in fiber.
Pwede kaayo ka mag ampalaya shake or isagol dayun sa imohang usual Ceasar’s Salad.
Kung di gyud ka ganahan sa kapait, mahimong makuhaan ang kapait ani sa pag hulom sa inasinang tubig dayun pag piga ani sa mahinayon usa ipadaplin sa makaryot bisan sulod sa lima ka minutos usa gamiton sa kung unsa man nga pamaagi sa pagluto gusto.
Na hala ikaon nagyud tawun nag ampalaya imong ka bitter aron soon you’ll feel better.