“Nindot kaayo ang mga parokyano diri sa Mantalongon. Sa tanang parokya nakong na assign-an, pito na kaparokya, lahi kaayo ang mga tawo diri. Lahi kaayo og response.
Nakumparar ni nako pag-adto nakos kasikbit nga lugar nga dakog kalainan ang atong mga tawo diri. Bisan og tugnaw kaayo, motunga gyud og sayo diri aron mosimba.
Ako, particular kaayo ko aning duha: ang atong kalag ug lawas. Mao na nga ni suggest ko, tungod kay ang atong lugar bugnaw kaayo, nga human maatiman nato atong kalag, maasikaso pud nato atong lawas pinaagi sa pag-exercise.
Sanglit dako man ta og hawanan, nindot man tag hawanan, atong gituyo nga ari diri gawas sa simbahan ang zumba aron maka-exercise ang atong mga tuhod nga deperensyado na.
I hope makita sa mga kabatan-unan ang atong gibuhat para sa parokya. I hope mo-involve sila sa mga kalihukan nga makapaayo sa atong relasyon sa atong isig kaingon labina atong relasyon sa Ginoo. Hinaot nga mo-participate sila kay ako sa akong pagka-assign diri, maningkamot gyud ko nga mas maduol tas usa’g usa labina sa mga batan-on aron di magyabag ang ilang dalan nga subayan, aron di magyabag ang ilang kinabuhi ug aron nindot ang ilang kaugmaon.”