Nakasuway nako og drive taxi pero nag-habal-habal driver ko kay akong asawa nagtrababo man og restaurant nga naay unlimited chicken. Ako man ang mobantay sa among mga anak sa buntag samtang nagtrabaho akong asawa. Gagmay pa man gud among mga anak. Ang mga edad 5, 3 ug ang usa hapit na mag two years old. Mamasahero ko inig gabii.
Wala sad ko nisuway anang Angkas kay makakwarta ra man sad ko ani. Makapakaon ra ko sa akong pamilya. Kaning akong motor gihulugan ni nako, walo na ka buwan. Maako ra sad ni sa ngadto-ngadto.
Kanang mga disgrasya diri sa dan kasagaran sa kana man nang maggara-gara. Di sad na sila mga habal-habal driver nga naa diri sa JY mo-pick up pasahero kay kaming mga habal-habal driver moserbisyo man gyud mi sa mga tawo mao nga di maggara-gara gyud. Mag-amping gyud. Kun naay maggara-gara padaplin lang sa ta. Palabyon ra na sila. Palayo ta kay lisod na madisgrasya. Kadaghan na gyud nangamatay, nangabali ang mga bukog tungod anang gara-gara.