Tag-P55 ang kilo sa talong sa Carbon Public Market sa dihang gibisita sa CDN Digital buntag sa Biyernes, Enero 3, 2020. | CDND PHOTO / Alven Marie Timtim
CEBU CITY, Philippines — Maayong buntag!
Sure gyud mi nga di lang gyud ka ka-usa nakabawon og tortang talong niadtong elementary pupil pa ka kay paborito gyud ni sa tibuok pamilya.
Lami man gud kaayo ang tortang talong (eggplant omelet) ni Mama. Pwede kaayo sa pamahaw ug paniudto!
Mao nga di gyud nakalimtan ang talong inig pamalit na ni Mama og utanon, prutas ug uban pang mga panginahanglan sa balay.
Diri sa Carbon Public Market, tag-P55 ang kilo sa talong.
Lami pud ang talong himoon nga salad.
Simple ra kaayo ang ensaladang talong (eggplant).
Human nimo isugba, panitan ug hiwaon og pino kaayo, isagol ang kamatis, sibuyas, luy-a ug uban pang ingredients nga imong gusto.
Ligo-a ni nga mixture og sukang pinakurat unya timplahi og asin ug gamayng asukar.
Lami kini nga ipares sa mga inihaw nga putahe sama sa inasal o sinugbang isda.
Dili ni langyaw nga pamaagi sa pagluto kay sure mi nga imong Papa nakahimo ani aron ipares sa pulutan basta fiesta sa inyoha.
Tagpila ang kilo sa talong sa merkado nga duol sa inyo? / celr