Niadtong niaging Domingo, duha ka Santo Papa ang gihimong mga santo sa Simbahang Katoliko.
Duha usab ka buhing Santo Papa ang didto sa canonization ning maong mga bag-ong santo.
Sa duha ka bag-ong santos, mas inila si John Paul II sa mga Pinoy kay kaduha siya maka-duaw sa atong nasud ug charismatic kaayo siya. Tingali mas daghan ang nag-research kang John XXIII (nga maoy gihimong ngan sa high school seminary sa Mabolo) kay wa na kini mailhi sa mga bag-ong tubo.
Sa duha ka buhing Santo Papa, mas inila si Pope Francis tungod sa iyang mga populist moves. Ambot kun duna bay daghang ga-research kang Benedict XVI. Di kaayo kini siya popular nga persona kay gawas nga minus kini og charisma, ang iya usab nga gisundan mao ang pinakasikat nga Santo Papa sa milabay nga siglo mao nga mahimo ra intawn siyang ordinaryo kun itandi niani.
Kun wa kaayo kamo magpakabana sa mga pope niadto, natural nga na-curious ug nag-research na kamo karong mga panahona. Ania kitay gamay nga trivia/multiple choice kabahin ning upat ka Santo Papa nga ni-grab sa headline niadtong miaging semana.
Timan-i ang letra sa matag Santo Papa ug ibutang kini sa tumoy sa sentence nga nag describe kanila.
A) John XXIII; B) John Paul II; C) Benedict XVI; D) Francis
1) Siya ang Papa nga miagi pagka-actor. ___
2) Siya ang Papa nga nagpasiugda sa Vatican II. ___
3 Siya ang Papa nga miagi pagka-bouncer sa club. ___
4) Siya ang Papa nga usa ray baga. ___
5) Anak siya sa mga saop. ___
6) Siya ang nipuli ni Pope John Paul II. ___
7) Taga-Poland siya. ___
8) Taga-Germany siya. ___
9) Gikan siya sa Argentina. ___
10) Giila siya nga conservative ug traditionalist. ___
11) Parehas ang iyang papal name sa the antipope. ___
12) Nihilak si Noli de Castro pag agi niya. ___
13) Na-cover siya sa Rolling Stone magazine. ___
14) Ang cross nga gigamit niya sa iyang Misa diri sa Sugbo naigo sa kilat. ___
15) Mitabang siya sa mga Hudiyo panahon sa World War 2. ___
16) Nahimo niyang higala si Bono ug gikantahan siya ni Bob Dylan.___
17) Ni resign siya pagka-Santo Papa. ___
18) Gipulihan siya ni Pope Paul VI. ___
19) Trese sila ka managsuon ug dunay pipila siya ka igsoon nga bata nga nangamatay tungod sa kawad-on. ___
20) Instrumento siya sa pagpukan sa Komunista sa Europe.
Di na lang ko mohatag sa saktong mga tubag para mataas-taas na inyong research ug lalis. Motan-aw sa ko sa TV kun ga unsa nas Dodong Barack.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
