Love Guru (LG): Maayo kay nakaduaw ka ron, Nyor Gamay. Timing pa gyud kayo nga maoy pagbukal sa init tubig. Dali, dayon sa akong tolda kay mangape ta. Ayaw pag pasinguwan kay uso kaayo rong subaw.
Nyor Gamay (NG): Salamat, Guru. Tugnaw bitaw maong maayong ipangape. Kopiko gihapoy kape nimo.
LG: Nahutdan ko adtong low acid nilang sachet. Pagkutaw na lag imong Nescafe diha.
NG: Salamat Guru. Nasuroy ko nimo kay buot ka mahibawo sa imong panahum tali ning traffic sa Banilad-Talamban route.
LG: Na, dili ra ba ko CITOM, Nyor.
NG: Pero para nimo, unsa may hinungdan ani?
LG: Iskwelahan.
NG: Ang Iskwelahan maoy hinungdan sa traffic?
LG: O.
NG: Ngano man?
LG: Be, hinganli ang tulonghaan nga nalaray ning maong taas nga kalsada.
NG: UC, USC, UV, Bright Academy, duna pay usa duol sa atbang sa Bright, dunay usa ka public school, unya sa tumoy tua mahimutang ang Sacred Heart. Apan wa na tingay toy labot duol naman tos Mandaue.
LG: Unya naka siguro ka nga way sakyanan sa mga taga Sacred Heart nga moagi sa Banilad-Talamban route.
NG: Pero ang mga pribado bang sakyanan ang nagdag traffic Guru? Dili ba ang mga jeepney.
LG: Dili ko mathematician Nyor pero magduwa tag gamay nga kwentada.
NG: Sige.
LG: Pila ka pasahero masulod sa usa ka jeepney?
NG: Di magparehas. Dunay napuno, dunay dose.
LG: Pilay masud sa pribadong sakyanan?
NG: Kasagaran lima.
LG: Pila man ka pribadong auto ang ma kargahan sa pasahero sa upat ka jeepney?
NG: Kon sa tag napulo, walo. Kon sa tag dose, kapin sa lima, siyam.
LG: Wa ba kay nakit-an nga pribadong sakyanan nga usa o duha ray pasahero? Kon bahinon mo ang mga pasahero sa upat ka jeepney sa tinagurha ra kada pribadong sakyanan, pila man ka pribadong sakyanan ang magamit?
NG: Mga kwarenta kapin.
LG: Unya unsa may hinungdan sa traffic, tao o sakyanan? Unya asa man paingon ang kadaghanan ning maong mga pribadong sakyanan, di ba sa mga tulonghaan. Pangita og laing dalan dinhis dakbayan nga may ingon niani kadaghang tulonghaan nga galaray. Kadaghanan aning mga arangan pagkabutang nga magtulongha duna may sakyanan.
NG: Unya Love Guru, unsa may sugyot nimo?
LG: Aw sa tinamban lang nga panlantaw, tagaan og incentive sa gobyerno ang mga eskwelahan pagbalhin. Tingali gikan sa Talamban ngadto sa SRP o North recla.
NG: Lisud na Nyor da.
LG: Wa may sayon.
NG: Wa kay second suggestion?
LG: Ipa discourage ang pagda og pribadong sakyanan.
NG: Unsaon man, Guru?
LG: Imo silang lisudlisuron sama sa gihimo karon ni Dodong Mike –Walang Kaliwaan.