Nyor Gamay (NG): Maayo, maayo, mahimo tang mangape?
Love Guru (LG): Uy! Nyor Gamay. Dayon.
NG: Naa ta koy ipangutana nimo over a cup of coffee.
LG: Sorry kaayo, Nyor wa tay kape ron kay nihangyo man gud ning akong mga kauban sa tolda nga break sa mi sa kape ug mao gi-sikwate namo ning tableya gikan sa Argao.
NG: Naa diay nananum og Cacao sa Argao?
LG: Naa pero gamay ra gud. Ang mga salin-salin ra ning tabliya ang gida ngari. So, okay ra man kaha kas over a cup of hot choco atong discussion, Nyor? Di lang kaayo nato ispisuhon kay basig naa kay high blood. Unsa man tay gusto nimo nga atong hisgutan?
NG: Kini bang video nga “Run Like A Girl.” Unsa may take nimo ani?
LG: Ah kanang kauban sa Whisper…
NG: Sa Whisper diay ni Guru?
LG: Actually sa Procter and Gamble na nga brand para sa feminine hygiene. Whisper ang ilang giingan ana ngari sa mga Asian countries sama sa Pilipinas, Japan, Singapore, China ug uban pa. Lines ang gitawag niani sa Italy, Orkid sa Turkey, Evax ug Asonia sa España ug Portugal. Always ang brand name niani sa USA. Dunay feminist glamour ang leaning sa ilang ad campaigns nga kanunay mag feature ug mga hitsuraan ug successful nga mga babaye sa lain-laing field nga alang sa brand parehas nila nga wa magpadala sa rules sa stereotype. Ang ilang pinakabag-ong campaign nga usa ka politically correct nga reklamo batok sa termino nga “run like a girl” kay lagi insulto kini sa mga kababayn-an. Gi-direct kini ni Laureen Greenfiled.
NG: Unya guru, insulto ba gyud ni nga termino?
LG: Medyo. Kay mosugyot man ni nga inferior ang babae sa physical activity, ug sa kanunay nga pagsulti niani murag giyagayaga-an kanunay ang mga babae. Pero dili man ni angay nga dibdibon. Kadaghan naman kita kadungog sa ato sa termino nga “mura man kag babaye og lihok.” Nakadungog na usab ta og mga babaye mismo nga mo-ingon og “mas lalake pa man ko nimo.” Pero wala man tingali nahagsa nga self-esteem sa ato sama sa thesis ning maong campaign. Para kanako usa lang kini ka cultural complain nga gi-angle sa Always para mapukaw ang kadasig sa medyo hyper-sensitive nga politically correct crowd. Nangita ra kining maong brand sa Procter and Gamble og campaign nga dunay cultural relevance ug nakuha nila kini pinaagi ning maong video.
NG: Nganong na culturally approved man sad kining maong insulto.
LG: Tinuod may pagka chauvinist kining maong termino ug klaro nga gigamit kini sa agenda sa kalalakehan pag duot sa mga babae apan nagpadayon kini kay duna may ebidensya nga tinuod kini. Duna may advantage sa natural physical strength ang lalake. Tinuod daghan na karong female athletes nga mas kusgan ug mas abtik pa sa lalake apan pipila ra sila. Ug gamay ra sad ang buot mosuon kanila tungod kay wa na unyay lalake nga mogukod nila kon mura napud silag lalake.
NG: Faet. Naa na imong sikwate, Guru? Kay ato nang tilawan.
LG: Hapit na.