Matud pa, “opinions are like as**oles, everybody has one.” Unsa may inyong opinion sa Gilas adventure sa España? Ani-a ang amoa.
1) Maayo ta moduwag basketball. Ang Greece ra tingali maoy wa paningtag bogbog sa Gilas. Ang Croatia, Argentina ug Puerto Rico puros gipangulba-an sa gagmay nga Pinoy. Sa lima ka duwa, kaduha ta maka overtime. Pilde sa usa, daug sa usa. Wa gyud ta mabiya-i kay sa fourth quarter ra man gyud ta overtake-an.
2) Mugbo ta. Sa lima nila ka lakang, pito ang atong himuon para maka apas. Matag duha ka dangaw nilang layat kinahanglang tubagon natog lima para di ta ma-opawan. Tinuod nga di ta mabintaha-an sa abilidad apan kon kini ang kanunay tang buhaton para ta maka apas murag maubsan tas lahutay.
3) Inconsistent ang Gilas. Usahay mangharos si Alapag usahay hanaw iyang agi. Maingon ta usab kini kang R.G.O. Usahay gamiton ni Chot Reyes si June Mar Fajardo, usahay palingkuron sa tas mga panahon. Na forced to good si Reyes pag-gamit ni Fajardo batok sa Senegal nga atong gi-pilde sa overtime.
4) Chot Reyes. Daghan karong mi post sa internet nga angay kunong mo resign si Reyes isip head coach sa Gilas. Sakto baya ang game plan ni Reyes nga ang three points maoy atong main weapon batok sa mga higante nga ga-atang sa shaded lane. Ang problema lang niani kay mabasa dayon kini sa kontra. Mahibaw-an dayon nila nga gawas atong tirade ug dalidali dayon kita nilang ma-dophan. Usa ka palipat nga post-up play maoy tubag niani ug murag walay pangandam si Chot Reyes niani. Dili man tingali nga ang pag tangtang ni Reyes mao ang solution. Maayo lang tingali nga pangayo-an siyag mga plano ug strategy nga may kalabutan sa post-up play nga di lang mopaluag sa three pointers, kon dili makahatag usab og higayon sa mga slashers.
5) Blatche. Dunay itsa sa three points ang atong naturalized player pero kinahanglan ba usab siya nga mag point guard nga siyay modala sa bola gikan sa backcourt. Tambagan usab unta kini siya nga dribulon og maayo kay tungod sa iyang pagkataas dali siyang ma-agawan og bola.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
