Kagahapon, Septembre dose sa ato apan pitsa onse sa America mao, ang pagka ika 13 nga tuig human banga-i ang Twin Towers sa New York og duha ka eroplano nga gi-hijack sa mga sakop sa terroristang grupo sa Al Qaeda.
Tungod sa 9-11, ang pitsa sa pagpahugno sa Twin Towers sa New York, namugna ang Homeland Security sa America.
Tungod sa 9-11, ang pitsa sa pag pang hijack sa Al Qaeda og mga eroplano nga ilang gipanghagsa sa pipila ka piniling lugar sa Estados Unidos, gi-atake sa US ang Afghanistan tungod kay ang mga Taliban nga nango sa maong nasud supporters man sa Al Qaeda.
Tungod sa 9-11, nakamugna og katarungan ang America nga atakihon na usab ang Iraq kay tua kuno ga base ang mga terrorista ug nga aduna kini weapons of mass destruction. Wa silay nakit-ang mga terrorista ug weapons of mass destruction. Nabisto lang hinuon nga ang mga way alamag maoy gadala sa America.
Tungod sa 9-11, nabitay ang salbahis nga diktador sa Iraq nga si Saddam Hussein bisan pa man og wa siyay kalabutan sa Al Qaeda nga maoy ni atake sa America. Ug tungod niani nakatag ang iyang mga sumusunod sa Sunni.
Tungod sa 9-11, misulod og gubat ang America nga maoy usa sa hinungdan nga mikunhod ilang ekonomiya ug daghang war shock nga sundaw nga nanguli sa ila ug nanghasi.
Tungod sa 9-11, nahimong most wanted si Osama bin Laden nga maoy founder ug charismatic leader sa Al Qaeda. Usa ka dekada pa human sa pagtumpag sa Twin Towers napatay sa mga Kano si bin laden.
Tungod sa 9-11, naghimog bag-ong gobyerno ang Iraq og nalagpot ang tribo nga Sunni nga dumadapig ni Saddam og gipulihan kini og mga sakop sa tribo nga Shiite.
Ug tungod niani ang mga Sunni nga dakog kayugot sa America ug sa bag-o nilang gobyerno hinungdan nga dahan kanila mikuyog na karon sa ISIS ang bag-ong mga terrorista nga bisan ang Al Qaeda di mangilabot tungod sa ka salbahis og ka bangis niani.
Tungod sa 9-11, nabitay si Saddam, na was passing ang mga Sunni, nahimugso ang ISIS nga buot maghimog Islamic state pinaagi sa pagpasakop ug pagpatay sa mga laing tinuohan sa Iraq ug Syria. Ug tungod ning ISIS mapugos pag talikud sa iyang saad si US President Barack Obama nga dili na moapil ug gubat ang America.