Dunay mga pulong ug abbreviations sa Ininglis nga mibutho lang pag-abot sa internet ug kay wa pa man kaayo kita makasinati kanila, gatuo ta nga mga bag-o silang pulong apan diay mas maguwang pa ang uban kanila sa imong mga apohan.
Ang Dictionary.com milista og walo ning maong mga pulong. Mga pulong nga gatuo kita nga dungan-dungan ra sa iPhone ug Windows apan antique na diay. Ania ang pipila kanila.
1)OMG. Mao kini ang short cut sa Oh My God. Tungod tingali kay mahadlok mo “use God’s name in vain” ang mga puritanical Caucasians gahimo silag variation niani sama sa “oh, my golly” ug “oh my gosh.”
Apan wala kini sila mo-spread sa mga dili native English speakers sama sa pagka sikat sa OMG. Unang na record ang OMG sa Oxford dictionary niadtong 1917 sa sulat ni British admiral John Arbuthnot Fisher ngadto ni Winston Churchill nga nagkanayon –““I hear that a new order of Knighthood is on the tapis–O.M.G. (Oh! My God!)–Shower it on the Admiralty!!”
Matud pas hingtungdan nga 76 na ang panuigon ni Fisher pagsuwat niya niini ug nga gatuo gani kini nga basig wala na makasugat si Churchill ning maong abbreviation mao nga gi spell out na lang niya kini sulod sa parenthesis.
2) Dude. Bag-o ra tingali ang termino nga “cool dude” apan ang pulong “dude” niadto pang 1883 na patik sa New York Mirror. Gigamit alang sa mga maporma kaayo mosinena nga mga New Yorkers. Ang babaye nga dude gitawag nilag dudine. Dunay character sa Big Lebowski nga “The Dude.” Ug diha na usay pelikula nga “Dude, where’s my car?”
3) Unfriend. Wa ka ganahis iyang gi-post mao nga imo siyang gi “unfriend.” Unang namatikdan ang verb form sa “unfriend” niadto pang mid-1600s. Ang noun niani nga laing pulong para sa enemy o kontra gigamit na pagka 13th century. Kon kiwawan kang mogamit sa “unfriend” isip noun, hunumdumi lang ang zombie nga gitawag og “undead.”
Apil sa maong lista ang “LOL” ug “punk” apin lahi pa sila og meaning niadto. Dili pa “laugh out loud” ang nauna kon dili, “little old lady.” Ang punk niadto wala pay labut sa mga kontra ni Clint Eastwood ug sa mga followers ni Johnny Rotten kay ang punk sa 1500s England slang man sa burikat.
Ang “Hubby,” “Little Black Dress” ug “Trick-out” naapil usab sa maong lista sa mga pulong nga murag modern paminawon apan diha na diay sa panahong mampor