1. Seniang. Nangandam ta ni Ruby pero si Seniang maoy nag maoy. Mikuha kinig 54 ka kinabuhi ug mi-angol ug kapin sa 40 ka tao. Mga usa ka libo ka panimalay ang gitay-ug. Mga dul-an sa 50 ka dalan ang naguba ug mga duha ka dosena ka taytayan ang gun-ob. Minilyon ang danyos.
2. Naghikug si Robin Williams. Ang Amerikanong actor nga mipakatawa kanato sa TV (Mork and Mendy) ug milingaw kanato sa sinehan (Mrs. Doubtfire, Good Morning Vietnam, Patch Adams, Dead Poets Society, Goodwill Hunting ug uban pa) mikuha sa iyang kaugalingong kinabuhi. Gi-ingon nga nag-antos siyag depression.
3. Malaysian airplanes. Nahanaw sa kawanangan ang Flight 370 sa Malaysia Airlines. Niadto pa kining Marso nahitabo pero hangtud karon nagpabiling tanghaga ang pagkawagtang sa maong eroplano. Pagka Hulyo, diha nasay laing abyon sa kapurduyon nga airlines gitirahan ang ilang Flight 17 sa Donetski, Ukraine diin dunay panagsangka sa mga pro-Russian rebels ug ang gobyerno ning maong nasud. Nag-isig pasanginlay ang duha ka pundok. Matud pa sa gobyerno ang mga rebelde maoy nitira niani og “surface to air missile.” Pero nagkanayon ang mga rebilde nga military plane sa Ukraine maoy nipahagsa niani. Ug sa dihang naghinapus na ang tuig lain na usab nga Malaysia based airlines nahag-saag abyon. Ang Flight QZ 8501 sa Air Asia nga gikan sa Surabaya, Indonesia paingon sa Singapore. Mag ampo lang kita nga walay mahitabo nga mga paghagsa sa mga abyon karong tuig 2015.
4. Binay bounces back. Dili hinuon tanan naguol niani apan ang tanan nga buot molansang kang vice president Binay gahilak karon sa kalagot kay kon nganong nakalingkawas kini sa ilang mga laang. More homework boys.
5. Kamatayon sa usa ka hippie icon. “What Would You Do If I Sang Out Of Tune?/Would You Stand Up And Walk Out On Me?/Lend Me Your Ears And I’ll Sing You A Song/I Will Try Not To Sing Out Of Key.” Kinsa may taga “summer of love” generation nga wa makakita ning pina –patolpatol nga pagkanta ni Joe Cocker ning kanta sa Beatles pag Woodstock? Kon wa mo ka kita, hala pangitaa ninyo sa YouTube. Namatay ang Briton sa lung cancer sa edad nga 70 anyos. Murag natapos ang usa ka chapter sa libro sa mga hippies ning iyang pagpanaw.
6. Belle, underage belle. Femme Fatale? Damsel in Distress? Both? Ang maanyag nga menor de edad nga taga Leyte mikuhag mga butang ug serbisyo nga wa niya bayri diri sa Sugbo. Dili siya matangong tungod sa iyang edad ug tungod sa katam-is sa iyang pahiyum nakig selfie kaniya ang iyang arresting officer.
7. ISIS. Ug nagpadayon pagpangihaw sa tungang silangan kining pundok sa mga radical militant sa mga binuhat nga di mosunod sa ilang interpretasyon sa Islam.
Kining pito maoy nasulod sa akong hunahuna karong adlawa, kamo nalay puno sa mga kasakit nga mitipas sa akong pagpalandung.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
