Nothing

Samtang gatan-aw ko sa video sa pakighinabi ni Presidente Noy sa mga Sakop sa Special Action Force, kalit lang mi-tukar kining kanta ni Edie Brickell sulod sa akong bagul-bagol. “Nothing” ang title ning maong kanta ug ania ang lyrics:
Nothing/Are you in a bad mood?/Don’t you wanna talk about it?/Did I say somethin’ rude?/You don’t have to cry about it.
Aren’t you feelin’ okay?/Would you like a little company?/Or did you have a bad day?/Are you mad at me? -let is show/Don’t tell me nothing – I don’t wanna know.
There’s nothing I hate more than nothing./Nothing keeps me up all night./I toss and turn over nothing.
Nothing could cause a great BIG fight.
Hey – What’s the matter?/Don’t Tell Me Nothing.
Gi-ingnan ni Aquino ang mga sakop sa SAF nga gahuwat kaniya nga na langan siya kay niadto pa siya sa haya sa 44 nila ka mga kauban. Dayon mihisgut siya sa iyang kaagi diin nakatilaw usab siya og ambush nga maoy hinungdan sa kamatayon sa tulo niya ka escort. Pagkahuman miingon siya nga kinahanglan ibalik ang ilang “moral” kay nakahibawo siya nga down kaayo ang ilang pagbati niadtong tungora. Iya dayun silang gipangutana kon duna ba silay buot isulti kanila o kaha diha ba silay gusto masayran gikan kaniya. Walay nitingog. Wa silay ikasulti –nothing. Kaduha niya sila awhaga pero nothing. Iya na lang silang giingnan nga ipasuwat na lang nila ang ilang gustong ipa-abot kaniya kay basig nauwaw silang motingog.
Dakog impact sa mga makakita sa video ang maingon tang “stone silence” nga gihatag sa SAF kang P-Noy ug daghan ang mahimong interpretasyon niani. Ania ang kasagaran: 1. Nakig bungol ang SAF sa presidente; 2. Wa nay lami nga makigsulti pa sila ni P-Noy kay humana man ang hitabo; 3. Gikapoy ug giduka na sila mao nga di na sila makahunahuna og pangutana kay tungang gabii na kadto; 4. Wala sa kinaiya sa mga military ang mosulti sa ilang gibati dihadiha dayon –obey first before you question maoy ilang naandan; 5.Gimanduan silas ilang superior nga dili pa reklamuhon.
Unsa man gani hinungdan niadtong makabungol nga kahilum sa SAF nga ilang gihatag ni P-Noy lisud tugkaron. Hinuon dunay stanza sa “Sound of Silence” ni Paul Simon nga daw susama sa eksena nga gipakita sa maong video.
“Fools,” said I, “You do not know –/Silence like a cancer grows./Hear my words that I might teach you./Take my arms that I might reach you.”/But my words like silent raindrops fell/And echoed in the walls of silence.

Read more...