Lolit Solis and Jay Sonza
Daghan ang nakuratan ug naluoy sa nasampotan sa kinabuhi ug career sa kanhi brodkaster ug news anchor nga si Jay Sonza.
Sumala sa mga nabasa nato nga mga comments sa social media karong bag-o lang human nga nabalitaan nato nga giaresto ug napriso karon si Jay sa Quezon City Jail, magsagol nga kasubo ug kaluoy daw ang gibati nila.
Apan duna pod nga mga netizens nga nagkanayon nga karma daw ang tawag sa nahitabo ni Jay Sonza tungod sa mga gibuhat niya kaniadto, ilabi na sa pagapil-apil ug pagpanghilabot niya sa mga init nga isyu sa showbiz ug politika.
Usa sa mga nakuratan sa dihang gibandera na ang balita nga gidakop si Jay tungod sa kasong estafa ug syndicated illegal recruitment, mao ang talent manager ug kanhi online host nga si Manay Lolit Solis.
Nipost ang beterano nga entertainment columnist sa iyang Instagram og litrato ni Jay apil ang iyang gibati kabahin sa nahilambigitan niya nga kaso.
“Para naman naawa ako kay Jay Sonza, Salve. Hindi ba nakakaawa na sa dati niyang kinalalagyan, ganyan ang magiging ending niya, sa kulungan.
“Wala akong puwede ireklamo kay Jay Sonza dahil naging mabait siya sa akin nuon, sana naman matulungan siya ng mga dati niyang kasama at kaibigan na puwede tumulong para maayos ang anuman gusot na napasukan niya,” matud pa ni Manay Lolit.
Niingon pa gyod ang talent manager, nga giusikan siya sa maanindot nga nasugdan sa kanhi brodkaster sa kalibutan sa brodkasting ilabi na nga usa siya sa mga gikonsiderar nga haligi kaniadto sa news and current affairs.
Nidugang pa gyod si Manay Lolit nga, ““Sayang talaga pag sa ganito lang mapupunta ang buhay mo. Lalo pa nga at ang ganda ng umpisa mo.
“Ipagdasal natin maayos pa ang buhay ni Jay Sonza at kung puwede pa mabalik sa naiwan niyang career.
“Sayang talaga, parang itinapon mo ang buhay mo na ang ganda na sana. Prayers na lang puwede,” matud pa sa beterano nga showbiz columnist isip mensahe niya ngadto ni Jay.
Mahinumduman nato nga gikompirma ni NBI Assistant Director Glenn Ricarte nga moadto unta sa Hong Kong si Jay ug naghuwat sa iyang flight sa Ninoy Aquino International Airport Terminal 3 sa dihang gistoryahan kini sa mga immigration official.
Pagkahuman niini, gipugngan na siya ug wa na gipagawas sa nasud tungod sa pending nga estafa nga kaso nga gipasaka batok niya.
Usa pa, nasuta nga naa pa gyod diay siya nga usa ka active nga warrant of arrest para pod sa syndicated and large-scale illegal recruitment.
Pagkahuman kini naturn over sa NBI, gida siya sa Bureau of Jail Management and Penology (BJMP) paagi sa usa ka commitment order gikan sa Quezon City Regional Trial Court Branch 100.
Karon napriso si Jay Sonza sa Quezon City Jail Ligtas Covid Center Quarantine Facility sa Payatas, Q.C.
READ: Court junks estafa case vs businesswoman, 2 others