Kon jazzer ka dako’g purohan nga familiar ka sa kanta nga “A Night In Tunisia.” Gisuwat kini nila ni Dizzy Gillespie ug rank Paparelli pagka in 1942 ug gi-record kini with lyrics ni Sarah Vaughan. Ania ang lyrics:
The moon is the same moon above you/Aglow with its cool evening light/But shining at night, in Tunisia/Never does it shine so bright
The stars are aglow in the heavens/But only the wise understand/That shining at night in Tunisia/They guide you through the desert sand
Words fail, to tell a tale/Too exotic to be told/Each night’s a deeper night/In a world, ages old
The cares of the day seem to vanish/The ending of day brings release/Each wonderful night in Tunisia/Where the nights are filled with peace
Kon mamatikdan mo, murag gahulagway ang lyrics sa maong kanta og usa ka dream scene. Hayag ang bulan, bugnaw ang hangin ug daghang bituon. Mao kini ang romantic’s version of Tunisia.
Apan lainlain man gud og panan-aw ang matag usa. Alang sa mga al Qaeda ug Islamic State (IS) sympathizers ang Tunisia usa ka entablado diin sila mopabanaw og dugo para sa ilang kawsa ug sa ilang radical nga pagtuo. Gikataho nga duol sa 5000 ka mga Tunisian ang mi-intra sa ISIS ug mga 500 kanila mibalik sa ilang nasud para mang hasi.
Maong niadtong miaging adlaw daw kalit lang migabii sa Tunisia human rakraki sa mga terrorista ang mga turista atubangan sa National Bardo Museum sa Tunis, nga capital sa Tunisia. Mga 21 ang nangamatay ug kapin sa 20 usab ang mi-landing sa ospital.
Sa usa ka nasud nga ga-atubang sa dagat sa Mediterranean, dunay daghang turista nga mobisita niini. Kay gawas sa dagat, daghan usab og historical sites ang Tunisia ug usa man kini sa mga nasud nga natung-an sa Europe ug Africa. Ang nakaparat lang kay naa sa likod niani ang Libya nga nahimo na karong breeding ground sa mga terrorista.
Gituohang maka apiktar ang maong hitabo sa ilang tourism industry. Daghan ang ni rally batok sa sinalbahis nga panghasi apan gikaingon nga ang kasagarang nangapil niani ang gikan sa mga sapi-an na sector. Wala mokuyog niani ang mga taga pobreng bahin sa nasud diin gikan ang kasagaran sa mga batan-on nga na-radicalized ug nga andam nang mokuyog sa mga terrorista.
Dili ang lugar o ang pagtuo maoy maka-awhag sa mga batan-on pag-intra sa pagka terrorista kon dili ang kawad-on.