INIT nga gihisgutan karon sa social media ang nikatap nga screenshot sa liked tweet sa anak ni Francis Magalona nga si Frank Magalona.
Kini migawas atol sa pagpaila sa giingong kanhi karelasyon sa iyang amahan nga si Abegail Rait kauban ang ilang love child nga si Gail Francesca.
Si Frank Magalona mao ang kinamagwangang anak nila ni Pia ug Francis Magalona.
Pila na usab ka adlaw ang milabay human nabulabog ang madlang pipol tungod sa rebelasyon ni Abegail nga makita sa latest episode sa vlog ni Boss Toyo nga “Pinoy Pawnstars”mao nga daghannga netizens na usab ang curious kung unsa ang reaksyon sa nahabilin nga pamilya ni Kiko bahin sa maong isyu.
Baka Bet Mo: Boss Toyo nag-reach out kay Pia Magalona bago i-upload ang vlog kasama ang ‘ex-lover’ ni Francis M
Daghang netizens usab ang mipagawas sa ilang mga gibati mahitungod sa paglugwa nilang Abegail human ang taas nga panahon.
“I find it weird watching the video of Pinoy Pawnstar where a homewrecker revealed his affair with Francis M., saying, ‘15 years akong nanamihik.’ Of course, you will. You’re a mistress. Duh,” nagkanayon ang usa ka netizen.
Ug makita usab nga gi-like ni Frank Magalona ang maong tweet ug nikalat na usab sa uban pang social media platforms ang screenshot niini.
Dugang pa gani sa maong netizen sa iyang tweet, “And people looking at this woman with sympathy and romanticizing their affair, but all I thought about in that moment was the housewife who fought beside her cheating husband during those years of battling with cancer, all the while trying to hold her family together.”
Sa pagkakaron, wala pa’y gipagawas nga pormal nga pamahayag si Frank Magalona o bisan kinsa sa ilang pamilya bahin sa maong balita. /rcg
RELATED CHIKA: