Janno Gibbs mi-resbak human birahi sa usa ka netizen

Janno Gibbs (left) and Ronaldo Valdez. Image: Instagram/@jannolategibbs

Giresbakan ni Janno Gibbs ang usa ka netizen nga mi bira kaniya tungod sa wa kunoy pagpakabana sa aktor nga nagselebrar sa New Year’s Day sa Japan bisan bag-o pa namatay ang iyang amahan nga si Ronaldo Valdez.

Gi greet ni Janno Gibbs ang iyang mga followers pinaagi sa usa ka litrato nga hagpakita kaniya ug sa iyang pamilya nga nanglaag sa Japan niadtong Domingo, Dec. 31 sa iyang Instagram page. Sa comments section sa maong hulagway, usa ka @miagison mipahinumdum sa aktor nga ang iyang amahan “just passed away.”

“I know. And?” mao ang tubag ni Janno Gibbs nga gitubag usab sa maong netizen ug , “Sadness does not seem to exist. Not judging; maybe behind each post you’re all still crying inside.”

Ang maong komento wa nauyoni ni Janno nga mitubag usab ug, “You are judging. Shame on you.”

Ang ubang netizens mi depensa hinuon ni Janno ug nagkanayon nga lain-lain ang paagi sa mga tawo sa pagbangotan. Nangayo hinuon dayon ug pasaylo ang maong netizen ug miangkon nga insensitive ug wa sa lugar ang iyang komento.

Sa usa ka post, gipagawas ni Janno Gibbs ang iyang kamingaw ngadto sa iyang amahan samtang nag video kini sa usa ka snowy landscape.

“As the sun sets, the son rises. Caught in the middle of holding on and letting go. Miss you Papa,” ang gisuwat nga caption ni Janno sa maong video.

Nailhan si Valdez tungod sa iyang de kalidad nga pag arte sulod sa kapin sa lima ka dekada nga showbiz career. Nakaplagan ang aktor nga wa nay kinabuhi sulod sa iyang kwarto niadtong hapon sa Disyembre 17.

BASAHA:

Janno Gibbs nangungulila kay Ronaldo Valdez: ‘Miss you, papa’