‘Squid Game’ star nga si O Yeong-su. | INQUIRER file photo/Netflix
Nakonbikto sa kasong sexual misconduct ang sikat nga “Squid Game” actor nga si O Yeong-su.
Gikunpirmar kini sa usa ka local court niadtong Marso 15.
Si Yeong-su gipasakaan og kaso nga sexual misconduct human sa iyang pagpasakit og usa ka babaye niadtong 2017.
ALSO READ: ‘Squid Game’ star indicted over sexual misconduct
Matud sa report sa Suwon District Court, nahitabo ang mao nga pagpangdagmal sa dihang mipuyo ang “Squid Game” star sa usa ka rural area para sa usa ka theater performance.
Si Yeong-su gisintensyahan og walo ka buwan nga pagkabilango ug duha ka tuig nga pagkasuspende sa entertainment industry, matud sa desisyon sa korte.
ALSO READ: 1-year prison term sought for ‘Squid Game’ actor O Yeong-su on sexual abuse charges
Dugang niini, gipakuha usab ang “Squid Game” star sa korte og 40 ka oras nga sexual violence classes.
Singon sa judge nga si Jeong Yeon, lig-on ug makanunayon ang mga ebidensya nga gipakita sa biktima batok kang Yeong-su.
“Consistent…and appear to be statements that cannot be made without actually experiencing them,” matud sa korte.
Niadtong tuig 2022, mibuhat si Yeong-su og kasaysayan isip una nga South Korean nga midaug og “Best Supporting Actor” sa Golden Globe Awards.
Kini tungod sa iyang maayo kaayo nga pag arte sa mega-hit Netflix series na “Squid Game.”