Sam Verzosa (tuo) ug si Randy Rosales
Gikuyogan ni Sam “SV” Verzosa si Tatay Randy Rosales, nga mas ilado isip “mamang sorbetero,” para mamaligya og ice cream sa mga turista tunga-tunga sa dagat sa Matabungkay, Batangas.
Si Tatay Randy, usa ka 41-anyos nga lokal nga taga Lian, Batangas nakahatag og kalipay sa mga turista sa beach hapit na sa mga usa ka dekada pinaagi sa pagbaligya og ice cream o ice drop.
Basin Bet Pod Ni Nimo: Sam Verzosa buwis-buhay na sinabayan si ‘Mamang Sorbetero’ sa karagatan
Unsa ang nakapalahi niya? Molangoy siya sa dagat kada adlaw para makaabot sa mga snorkeling spots sa Matabungkay Beach.
Gamit ang usa ka styrofoam box, buwis-buhay o buwis-kinabuhi nga giatubang ni Tatay Randy ang mga bawod, mouwan man o moadlaw, molangoy og layo para lang makahalin og ice cream ug makauli og kita niya para sa pamilya.
Basin Bet Pod Ni Nimo: Randy Santiago pangarap makasama uli sa pelikula si Maricel; miss na miss na ang yumaong anak
Tungod sa dedikasyon ug kakugihan ni Tatay Randy, buwis-buhay o buwis-kinabuhi pod nga giatubang ni SV ang iyang kahadlok sa paglangoy sa dagat, makuyogan lang niya si Tatay Randy sa pagpamaligya og ice cream.
“Grabe ang bilib ko kay Tatay Randy. Isipin niyo araw-araw ka lalangoy sa dagat para lang makabenta ng ice cream sa mga turista, nilalagay mo sa peligro ang sarili mong buhay,” matud pa ni SV sa iyang episode sa “Dear SV” sa YouTube.
Ang motibasyon ni Tatay Randy para sa iyang adlaw-adlaw nga panimpalad sa dagat kay gusto mokita para pangsuporta sa adlaw-adlaw nga gastuson sa iyang pamilya ug para pambayad sa edukasyon sa iyang mga anak.
Tungod sa inspirasyon nga da ni Tatay Randy, nihatag si SV og tabang — usa ka pangkabuhayan package, usa ka grocery package, school supplies para sa mga anak ni Tatay, ug usa ka bangka nga de motor nga makatabang ni Tatay Randy sa iyang negosyo ug iyang pagpangisda.